Տարածաշրջանային անվտանգությանն առնչվող հարցեր, Մերձավոր Արեւելքի խնդրները, ինչպես նաեւ` Հարավային Կովկասում առկա հակամարտությունների կարգավորման ընթացքն են քննարկել այսօր Երեւանում Հայաստանի արտգործնախարար Վարդան Օսկանյանն ու պաշտոնական այցով Հայաստանում գտնվող Իրանի ԱԳՆ ղեկավար Քամալ Խարազին: Ինչպես հաղորդել են ՀՀ ԱԳՆ մամլո ծառայությունում, հանդիպման մասնակիցները դրական են գնահատել հայ-իրանական համագործակցության մակարդակը` հատուկ նշելով համատեղ ծրագրերի, մասնավորապես` Արաքսի ՀԷԿ-ի, Իրան-Հայաստան գազատարի եւ Քաջարանի թունելի կառուցման ծրագրերի իրականացման կարեւորությունը: Նախարարները արտահայտվել են տվյալ ծրարգրերի իրականացման աշխատանքների ակտիվացման օգտին, «որոնք ունեն ոչ միայն տնտեսական, այլեւ քաղաքական նշանակություն»: Նշենք, որ Իրանի ԱԳՆ ղեկավարը արդեն խորհդակցություններ է անցկացրել Ադրբեջանի եւ Վրաստանի պաշտոնական անձնաց հետ: