  Առաջին խաղակեսից հետո Հայաստանի հավաքականը 2:0 հաշվով հաղթում է Մակեդոնիայի հավաքականին   7 հոկտեմբերի 2011 - 20:54 AMTPanARMENIAN.Net - Հայաստանի հավաքականը Վազգեն Սարգսյանի անվան հանրապետական մարզադաշտում Եվրոպայի 2012թ. առաջնության ընտրական մրցաշարում ընդունեց Մակեդոնիայի հավաքականին: Հանդիպման առաջին իսկ րոպեներից զգացվում էր, որ հայաստանյան ֆուտբոլիստները դաշտ են դուրս եկել մարտական տրամադրությամբ: Նրանք հասկանում են, որ խաղարկվում է Եվրոպայի առաջնության եզրափակիչ փուլի ուղեգիրը: Կենտրոնական պաշտպան Հրայր Մկոյանի որակազրկման և Ռոբերտ Արզումանյանի վնասվածքի պատճառով պաշտպանության կենտրոնում Վալերի Ալեքսանյանի հետ միասին դաշտ է դուրս եկել Արթուր Յուզբաշյանը: Մարտական տրամադրությամբ Հայաստան էին ժամանել նաև մակեդոնացիները, Եվրոպայի 2012թ. առաջնության ընտրական մրցաշարում նրանք այլևս ոչնչին չեն հավակնում և հանդիպման սկզբում մի քանի անգամ գրոհեցին Ռոման Բերեզովսկու դարպասը: 9-րդ րոպեին Յուրա Մովսիսյանի ուժեղ հարվածից հետո գնդակը դիպավ դարպասաձողին: Իսկ հյուրերի հակագրոհի ժամանակ Միրկո Իվանովսին չհասավ գնդակին: Հայ ֆուտբոլիստները սկսեցին նեղել մրցակցին և շատ ժամանակ վերահսկել գնդակը: Սակայն մակեդոնացիներին արդեն հաջողվում էր հասնել Հայաստանի դարպասին: Խաղակեսի կեսին արդեն Հայաստանի պաշտպանության կենտրոնում բաց տեղեր էին հայտնվում, և մակեդոնացիները կարողանում էին հատել դաշտի կենտրոնը: 28-րդ րոպեին Յուրա Մովսիսյանի անկյունային փոխանցումից հետո հաշիվը բացեց Մարկոս Պիզելլին: 6 րոպե անց Հենրիխ Մխիթարյանը, ինչպես սլովակների հետ հանդիպման ժամանակ, մեծ հեռավորությունից գեղեցիկ գոլ իրացրեց` կրկնապատկելով խաղի հաշիվը: Իրացրած գոլերից հետո հայերի մոտ ամեն ինչ սկսեց ստացվել, նրանք սկսեցին շատ ավելի վստահ խաղալ: Հերթական անգամ իր վարպետությունը ցուցադրեց Բերեզովսկին, որը ետ մղեց Նիիկոլչե Նովեսկու հեռահար հարվածը:  Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
