Թուրքիան չի գնա Սիրիայի դեմ լայնածավալ ռազմական գործողությունների, սակայն բացառված չեն նախագահ Բաշար Ասադի ռեժիմը տապալելուն ուղղված թուրքական զինված ուժերի հատուկ գործողությունը: Այդ մասին Երևանում մամլո ասուլիսում հայտարարել է թուրքագետ Արտակ Շաքարյանը: Միաժամանակ նա նշել է, որ Թուրքիան կգնա այդ քայլին միայն այն դեպքում, եթե ստանա ՆԱՏՕ աջակցությունը և համոզված լինի, որ կստանա արաբական աշխարհի հավանությունը:
Շաքարյանի խոսքով, Թուրքիայի գլխավոր նպատակներից է Իրանին տարածաշրջանից դուրս մղելը, ինչպես նաև սիրիական ընդդիմության` իշխանության գլուխ անցնելու դեպքում Սիրիայում իր ազդեցության հաստատումը:
Ինչ վերաբերվում է Թուրքիայի նման քայլերի վերաբերյալ Իրանի արձագանքին, ապա, Շաքարյանի կարծիքով, այն կոշտ կլինի, բայց բացահայտ առճակատման Թեհրանը չի գնա: Նա կարծում է, որ լավագույն դեպքում Իրանը կսկսի ակտիվ կերպով աջակցել քուրդ գրոհայիններին:
