Անցումային ազգային խորհուրդը Լիբիան հռչակել է ազատ երկիր
Տասնյակ հազարավոր լիբիացներ են հավաքվել Բենգազիի Թահրիր հրապարակում, որտեղ Անցումային ազգային խորհրդի ղեկավարությունը պաշտոնապես հռչակեց Լիբիան ազատ Մուամար Քադդաֆիի ռեժիմից, հայտնում է BBC-ին:
«Բարձրացրեք ձեր գլուխները: Դուք ազատ լիբիացիներ եք»,-դիմել է հավաքվածներին ԱԱԽ փոխղեկավար Աբդել Հավիզ Գոգան: ԱԱԽ նախագահ Մուստաֆա Աբդուլ Ջալիլի ելույթը սկսվեց Ալլահին երախտագիտություն հայտնելուց:
Ըստ Ջալիլի, նոր Լիբիան պետք է կառուցի կյանքը, ղեկավարվելով իսլամի օրենքներով:
Հոկտեմբերի 20-ին ԱԱԽ-ն հայտարարեց Քադդաֆիի կողմնկիցների կողմից վերահսկվող վերջին քաղաքի՝ Սիրտի գրավման մասին:
