Սահմանային անցակետերին լրացուցիչ կհատկացվի 24 հա տարածք 2 նոյեմբերի 2011 - 17:14 AMT PanARMENIAN.Net - ՀՀ փոխվարչապետ, տարածքային կառավարման նախարար Արմեն Գեւորգյանի մոտ այսօր կայացած խորհրդակցությանը քննարկվեց «Տավուշի մարզի Բագրատաշենի, Շիրակի մարզի Բավրայի եւ Լոռու մարզի Ձորամուտի (Գոգավան) գյուղական համայնքների քաղաքացիների եւ իրավաբանական անձանց սեփականությունը հանդիսացող հողամասերի նկատմամբ գերակա հանրային շահ ճանաչելու եւ հողերի կատեգորիան փոխելու մասին» ՀՀ կառավարության որոշման նախագիծը: Խորհրդակցությանը մասնակցում էին ՀՀ տարածքային կառավարման նախարարության, ԿԱ պետական եկամուտների կոմիտեի, անշարժ գույքի կադաստրի պետական կոմիտեի, Շիրակի, Լոռու եւ Տավուշի մարզպետարանների ներկայացուցիչներ, հայտնում է նախարարության մամլո ծառայությունը: Փաստաթղթի ընդունման անհրաժեշտությունը պայմանավորված է վերոնշյալ համայնքներում տեղակայված սահմանային անցակետերի արդիականացման ծրագրի իրականացմամբ: Փոխվարչապետին զեկուցվեց, որ հողամասերի, շենք-շինությունների գույքագրման գործընթացն ավարտվել է, մասնագետները հաշվարկներ են կատարել նաեւ փոխհատուցման վերաբերյալ: Ընդհանուր առմամբ` լրացուցիչ 24 հա տարածք է հատկացվելու անցակետերին: Փոխվարչապետը հանձնարարեց նախագիծը սեղմ ժամկետներում ներկայացնել կառավարություն: Կարեւորելով սահմանային անցակետերի արդիականացման եւ եվրոպական չափանիշներին համապատասխանեցման ծրագրի իրականացումը` նա պատասխանատուներին հանձնարարեց անհրաժեշտ նախապատրաստական աշխատանքներ տանել` որոշման ընդունումից հետո գործընթացը պատշաճ մակարդակով կազմակերպելու եւ իրականացնելու համար:   Ուշագրավ Սոչի-Երևան չվերթի ինքնաթիռն ուղևորվել է Թբիլիսիի օդանավակայան Ավինյանը հանձնարարել է նիստից հետո քննարկում անցկացնել և իրեն զեկուցել Գումարը կհատկացվի պահուստային ֆոնդից Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը   Ամենաընթերցվողը բաժնում |  Վերջին լուրեր ԵԱԶԲ–ն, ՄԱԿ-ի Պարենի համաշխարհային ծրագիրն ու «Երեմյան Ֆարմը» ՀՀ–ում «Կաթ դպրոցներում» ծրագրի ընդլայնման մտադրությունների համաձայնագիր են կնքել  «Կաթ դպրոցներում» ծրագրի մեկնարկն ազդարարվել էր 2022 թվականի դեկտեմբերինOVIO-ի նախաձեռնությամբ անցկացվել է «Ամպային տեխնոլոգիաների և Տվյալների մշակման կենտրոնների զարգացում» խորագրով DC24 համաժողովը Համաժողովի նպատակն է վերհանել ոլորտի մարտահրավերները և գտնել դրանց լուծումներըԸստ Բայրամովի՝ խաղաղության գործընթացի ամենալուրջ խոչընդոտը ՀՀ սահմանադրությունն է «Բաց մնացած հարցերի թիվը զգալիորեն կրճատվել է»,- ասել է նաՄիրզոյանը՝ ռուս-ուկրաինական հակամարտության մասին․ ՀՀ-ն աջակցում է երկրների տարածքային ամբողջականությանը «Մենք ինքներս առերեսվել ենք նույն ավերածությանը մեր տարածաշրջանում»,–ասել է նա |
