Վլադիմիր Գասպարյան. Ոստիկանի մեջ պետք է գտնել պրոֆեսիոնալին ու մարդուն![]() 4 նոյեմբերի 2011 - 13:49 AMT PanARMENIAN.Net - ՀՀ ոստիկանության պետ Վլադիմիր Գասպարյանի հանդիպումները համակարգի ստորաբաժանումների և ծառայությունների անձնակազմերի հետ շարունակվում են: Ոստիկանություից հայտնում են, որ հանդիպումներին մասնակցում են բոլոր ծառայողները` ղեկավարից մինչև շարքային, որովհետև ոստիկանությանն առաջադրված խնդիրները հնարավոր է լուծել բացառապես միասնական ջանքերով, և ոստիկանության յուրաքանչյուր ծառայող իրեն վերապահված գործառույթների սահմաններում պետք է լիարժեք կատարի իր պարտականությունները: «Բարեփոխումները հաջողությամբ ավարտին հասցնելու և ոստիկանության գործունեության մեջ որակական տեղաշարժ արձանագրելու գրավականը ոստիկանության յուրաքանչյուր ծառայողի ներքին բարեփոխումն է, ծառայողական պարտականությունների անմնացորդ կատարումը, մարդկային ու քաղաքացիական որակների կատարելագործումը»,- ընդգծում է ոստիկանության պետը: Նշվում է, որ անհրաժեշտ է առանձնակի ուշադրություն դարձնել հատկապես շարքայիններին ու կրտսեր սպայական կազմին, երիտասարդ կադրերին, հետևողականորեն կատարելագործել նրանց մասնագիտական ունակությունները, հոգատար լինել անձնական ու սոցիալական խնդիրների լուծման հարցում: Ոստիկանի մեջ պետք է գտնել պրոֆեսիոնալին ու մարդուն, հրաժարվելով համահարթեցումից` տեսնել ու խրախուսել մարդկային և մասնագիտական լավագույն դրսևորումները, իսկ արատավոր երևույթները կանխել, հարկ եղած դեպքում` պատժել օրենքի ողջ խստությամբ: Ոստիկանության պետ Վլադիմի Գասպարյանի համոզմամբ` համակարգի գլխավոր գործառույթը իրավախախտումների կանխարգելումն է, քաղաքացու իրավունքների պաշտպանությունը, օրենքի գերակայության հաստատումը: ![]() ![]() Սոչի-Երևան չվերթի ինքնաթիռն ուղևորվել է Թբիլիսիի օդանավակայան Ավինյանը հանձնարարել է նիստից հետո քննարկում անցկացնել և իրեն զեկուցել Գումարը կհատկացվի պահուստային ֆոնդից Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը ![]() ![]() ![]() | ![]() ![]() ![]() ![]() ![]() ![]() ![]() ![]() |