  Մեկնարկել է Համակարգչային խաղերի նախագծման Հայաստանի 2-րդ առաջնության հայտերի ընդունումը 9 նոյեմբերի 2011 - 14:46 AMT PanARMENIAN.Net - Ինֆորմացիոն տեխնոլոգիաների ձեռնարկությունների միությունը (ԻՏՁՄ) և «Orange Արմենիա» ընկերությունը հայտարարում են Համակարգչային խաղերի նախագծման Հայաստանի 2-րդ առաջնության մեկնարկը, տեղեկացնում են ԻՏՁՄ մամլո ծառայությունից։ Առաջնության շրջանակում մասնակիցները պետք է ներկայացնեն իրենց կողմից նախագծված համակարգչային խաղերի դիզայնը, սցենարը և խաղերն ամբողջությամբ: Առաջնության նպատակներն են զարգացնել համակարգչային խաղերի նախագծման ոլորտը Հայաստանում, աջակցել երիտասարդներին դրսևորվել խաղերի բիզնես ոլորտում: Մասնակցել ցանկացողները կարող են հանդես գալ նախապես ձևավորված թիմով կամ որպես անհատ: Մրցույթը տարիքային սահմանափակում չունի: Գրանցման հայտերի վերջնաժամկետն է դեկտեմբերի 15-ը: Մրցույթին հայտ ներկայացնելու համար պետք է այցելել digitec.am կայք։ Առաջին անգամ առաջնությունը տեղի ունեցավ 2011թ. հունիսին: Այն անցկացվեց 4 փուլով, և յուրաքանչյուր փուլի ընթացքում մասնակիցները ներկայացրեցին իրենց կողմից նախագծված համակարգչային խաղերի կոնցեպտը, գրաֆիկան/դիզայնը և տեխնիկական հնարավորությունները, իսկ 4-րդ` եզրափակիչ փուլում, ներկայացրեցին խաղերն ամբողջությամբ: Ժյուրիի կազմում էին «Օրանժ Արմենիա», «Մայքրոսոֆթ», «Սորսիո», «Տրիադա», «Թեոկեն», «Թի Էքս Սիստեմս», «ԷԴՋ Գեյմինգ» ընկերությունները, Արդիական տեխնոլոգիաների մասնագետների ասոցիացիան: Առաջնության 25 մասնակիցների գերակշռող մասն ուսանողներ էին Երևանի պետական համալսարանից, Երևանի գեղարվեստի պետական ակադեմիայից, ՀՊՃՀ-ից, Հայաստանի բաց համալսարանից: Մասնակիցների թվում էին նաև դպրոցականներ և ընկերություններ:   Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից   |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
