Անահիտ Բախշյան. Կրթության ոլորտը ծայրաստիճան քաղաքականացված է21 նոյեմբերի 2011 - 14:27 AMT PanARMENIAN.Net - «Ժառանգություն»-ը բազմիցս բարձրաձայնել է այն մասին, որ հակառակ ՀՀ գործող օրենքների` կրթության ոլորտը ծայրաստիճան քաղաքականացված է: Այս մասին ՀՀ ԱԺ պատգամավոր Անահիտ Բախշյանը հայտարարել է Հանրային հեռուստաընկերության «Խորհրդարանական շաբաթ» հաղորդման շրջանակում։ «Վարչապետը կուսակցական անդամատոմսերի հանձնման արարողությունը կազմակերպում է դպրոցում, այսինքն դպրոցում իրականացնում է քաղաքական քարոզչություն, որն արգելված է օրենքով: Միևնույն ժամանակ ՀՀ անկախության 20-ամյակի առթիվ հանրապետության առաջին արտգործնախարարի հանդիպումներն ուսանողների հետ արգելվում են` դրանք որակելով որպես քաղաքական քարոզչություն»,- նշել է Բախշյանը: Նա ասել է, որ եթե պայմանագրային հիմունքներով կրթական հաստատությունների դահլիճները վարձակալությամբ կարող են օգտագործվել այդ նպատակներով, ապա դրա մասին իշխանությունը պետք է հայտարարի և դա դառնա նախադեպ, որպեսզի ընդդիմադիր բոլոր քաղաքական ուժերին ևս տրվի այդ հնարավորությունը: «Որոշ դպրոցներում շողոքորթությունն այն աստիճանի է հասել, որ պատերին հանրապետական կուսակցության խորհրդանիշներն են փակցված: Մարզերում կոալիցիոն կուսակցությունների խորհրդանիշներն ամենուրեք անթույլատրելի տեղերում են` գյուղապետարանների, մշակույթի պալատների, քաղաքապետարանների ճակատներին, այսինքն հանրային սեփականությունն ամենուրեք նույնացվել է կոալիցիոն կուսակցությունների հետ»,- հայտարարել է պատգամավորը: Նա նշում է, որ օրինազանցությունը հասել է այն աստիճանի, որ ՀՀ պետական բյուջեն է սկսել նույնացվել կուսակցական բյուջեների հետ. «Պետական բյուջեով ֆինանսավորվող երիտասարդական հիմնադրամի գործունեությունը կարծես ամբողջապես ծառայում է հանրապետական կուսակցության երիտասարդական թևին, որի ցցուն օրինակը նոյեմբերի 10-ին Երիտասարդության օրվա առիթով մարզահամերգային համալիրում վարչապետի խոսքն էր»: Նման համատարած ապօրինությունները, քաղաքական մրցակցության անհավասար պայմանները, ըստ բանախոսի, դարձել են սովորական: Ուշագրավ Սոչի-Երևան չվերթի ինքնաթիռն ուղևորվել է Թբիլիսիի օդանավակայան Ավինյանը հանձնարարել է նիստից հետո քննարկում անցկացնել և իրեն զեկուցել Գումարը կհատկացվի պահուստային ֆոնդից Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը Ամենաընթերցվողը բաժնում | IDBank-ը՝ «Ներս արի» հաղորդման հյուր․ Պատմում ենք idcoin-ի մասին Քննարկման առանցքային թեման idcoin-ն էր՝ IDBank-ի լոյալության նոր միավորը ՀՀ բանկերի ղեկավար կազմն այցելել է OVIO-ի տվյալների մշակման կենտրոն Տվյալների մշակման կենտրոնը OVIO ընկերության կողմից կոմերցիոն շահագործման է հանձնվել 2024թ․ մայիսին Գեղարքունիքն ու Ֆրանսիայի Իզերի դեպարտամենտը կգործակցեն գյուղատնտեսության ոլորտում Ֆրանսիացի մասնագետներն այցելել են նաև Գավառի գյուղատնտեսական քոլեջ Բաթոյան․ Երբ ընտանեկան բռնությունների վիճակագրությունն աճում է, դա դրական է՝ սկսել են դիմել իրավապահներին «գիտենք, որ դեպքերն ավելի շատ են»,–ասել է նա |