ՀՀ արտակարգ իրավիճակների նախարարությունը տեղեկացնում է, որ նոյեմբերի 25-ի ժամը 09.00-ի դրությամբ դժվարանցանելի են Տավուշի մարզի Բերդ - Ճամբարակ, Դիլիջան - Երևան, Բերդ-Իջևան, Դիլիջան-Վանաձոր, Կիրանց - Ոսկեպար ավտոճանապարհները:

Դժվարանցանելի են նաև Սյունիքի մարզի Սիսիան - Գորիս և Մեղրի - Կապան ավտոճանապարհները:

Իսկ տրանսպորտի և կապի նախարարությունից հայտնում են, որ ժամը 09.00-ի դրությամբ, ձյուն է տեղում Ալավերդիում , Սիսիանում, Մեղրիում, Բերդում, Վարդենիսում: Սելիմի լեռնանցքում, Մարտունի-Վարդենիս , Աբովյան-Հրազդան հատվածներում, Ապարանում , Արթիկում, ինչպես նաև Ստեփանավանի, Տաշիրի, Կոտայքի, Գավառի, Մարտունու որոշ ճանապարհահատվածներում տեղ- տեղ առկա է մերկասառույց:Կատարվում են մաքրման աշխատանքներ` հանրապետության ճանապարհներում անվտանգ երթևեկությունն ապահովելու նպատակով: