ԱՄՆ պնդում է, որ ամերիկյան անօդաչուն չի կործանվել իրանցիների կողմից

PanARMENIAN.Net - ԱՄՆ որոշել է արձագանքել իրանական ԶԼՄ-ի հաղորդագրություններին այն մասին, որ Իսլամական հանրապետության զինված ուժերը երկրի արևելքում չեզոքացրել են ամերիկյան հետախուզական անօդաչու սարքը: Ինչպես հաղորդում է MIGnews-ը, ամերիկացի զինվորական պաշտոնյան հայտարարել է, որ ԱՄՆ տվյալներ չունի այն մասին, որ անօդաչուն կործանվել է:

Հարևան Աֆղանստանում ՆԱՏՕ-ի առաքելության տվյալների համաձայն, իրանական հայտարարությունը կարող էր վերաբերել անցած շաբաթ անհայտացած հետախուզական անօդաչու թռչող սարքին:

Անցյալում Թեհրանը բազմիցս հայտարարել է, որ զինծառայողներին հաջողվել է կործանել ԱՄՆ-ի, Իսրայելի և Մեծ Բրիտանիայի անօդաչու սարքեր: Սակայն բոլոր միջադեպերից հետո, ոչ մի բարձրաձայն պատատասխան չի հետևել:

Իրանական «Ալ-Ալամ» հեռուստաալիքը հայտարարել է, որ «Իրանի զինծառայողներին հաջողվել է ոչնչացնել երկրի օդային տարածք ներխուժած ամերիկյան RQ-170 սարքը»:

«Լրտեսական սարքը, որը ոչնչացվել է աննշան վնասվածքներով, հայտնվել է զինծառայողների ձեռքերում»՛,- ասվել է հայտարարությունում:

Աֆղանստանում ՆԱՏՕ –ի կողմից գլխավորվող Միջազգային անվտանգության աջակցության ուժերի հայտարարությունում ասվում է. «ԱՕԹՍ( անօդաչու թռչող սարքը), որն նկատի ունեն իրանցիները, կարող է լինել ԱՄՆ չզինված հետախույզ-ինքնաթիռ, որը նախորդ շաբաթ առաքելություն էր կատարում Աֆղանստանի արևմտյան հատվածում: ԱՕԹՍ-ի օպերատորները կորցրել էին ինքնաթիռի վերահսկողությունը և այժմ աշխատում են դրա կարգավիճակի վերականգնման վրա»:

Ամերիկացի պաշտոնյան, ով խնդրել է չնշել իր անունը, Reuters գործակալությանն ասել է. «Մինչ այս պահը բացարձակապես ոչ մի տվյալ չկա, որ իրանցիները կործանել են այդ սարքը»: