Փորձագետ. ԱՄՆ-ն Իրանի հետ պատերազմի նման ճոխություն իրեն թույլ տալ չի կարող

PanARMENIAN.Net - ԱՄՆ Իրանի հետ պատերազմի նման ճոխություն իրեն թույլ չի տա: Այդ մասին PanARMENIAN.Net ի թղթակցին է հայտնել իրանագետ Թադևոս Չարչյանը: Նրա խոսքով, ելնելով տարածաշրջանի երկրներում՝ Սիրիայում, Աֆղանստանում, Իրաքում անկայուն վիճակից, երկիրը չի գնա նման քայլի: ՛՛ Այսպիսով, ես կարծում եմ, որ Իրանում զիված գործողությունների սկսումը քիչ հավանական է՛՛,- նշել է նա, չբացառելով, որ եթե մի քանի տարուց իրավիճակը շահավետ լիլնի Միացյալ Նահանգների համար, զինված գործողությունները կարող են իրաքյան խնդրի լուծման միակ տարբերակը դառնալ:

Անդրադառնալով նրան, արդյոք կարող է լիբիական սցենարը կրկնվել Իրանում, հայ փորձագետն ասել է . ՛՛ Եթե անգամ ԱՄՆ-ն ցանկանար, դա անհնար կլիներ, քանի որ Իրանը տարածաշրջանում հզորագույն երկրներց է՛՛: Ընդ որում նա նշել է, որ ամերիկյան կողմն առայժմ կսահմանափակվի միայն հակաիրանական հայտարարություններով:

Անդրադառնալով նրան, թե արդյոք Իրանն առաջինը կարող է սկսել պատերազմ, Թադևոս Չարչյանն ասել է, որ դա շահավետ չէ երկրի համար, քանի որ վերջինս ունի իր ներքին բացերը: