  «Կոշկանետման միջադեպ» Իրանում. Ահմադինեժադի վրա կոշիկ են նետել, բայց չեն դիպել  12 դեկտեմբերի 2011 - 19:41 AMTPanARMENIAN.Net - Իրանական պահպանողական լրատվական վեբ-կայքը հաղորդում է հերթական «կոշկանետման միջադեպի» մասին Իրանում: Ինչպես հաղորդում է MIGnews-ը, գործազուրկը կոշիկ է նետել երկրի նախագահ Մահմուդ Ահմադինեժադի վրա: Տղամարդը բողոքում էր իրեն գործազրկության նպաստ չվճարելու դեմ: Ահմադինեժադը ելույթ էր ունենում Սարիում` պատմելով բնակարանաշինության նոր նախագծի մասին: Օրինազանցը ունկնդիրների առաջին շարքերն էր թափանցել և որսալով պահը` նետել իր կոշիկը պետության ղեկավարի ուղղությամբ, բայց չէր դիպել. կոշիկն ընկել էր Ահմադինեժադի ետևում փակցված ցուցապաստառի վրա: Ինչպես նշում է NEWSru.co.il-ը, այս արարքը թանկ նստեց տղամարդու վրա: Ահմադինեժադի կողմնակիցները ծեծի ենթարկեցին կոշկանետին` վանկարկելով իշխանամետ կարգախոսներ: Ոստիկանները միջամտեցին և կարգը խախտողին խլեցին իրանական առաջնորդի զայրացած երկրպագուներից: Լուրը հրապարակած Shafaf.ir կայքը հայտնի է երկրի առաջնորդի ընդդիմադիրների հետ իր մտերմությամբ: Հիշեցնենք, որ կոշիկ նետելու հետ կապված հայտնի միջադեպը տեղի է ունեցել Բաղդադում 2008թ. դեկտեմբերի 14-ին` մամլո ասուլիսի ժամանակ: Լրագրող Մունթազեր ազ-Զեյդին հերթով նետեց իր կոշիկները ԱՄՆ նախագահ Ջորջ Բուշի վրա` ի նշան Իրաք ամերիկյան զինվորների ներխուժման դեմ բողոքի: Բուշը երկու անգամն էլ խույս տվեց: Լրագրողի արարքը լայն աջակցություն ստացավ արաբական աշխարհում և նրան հերոսի փառք բերեց: Կոշիկ նետելը բողոքի համաշխարհային ձև է դարձել: Ազ-Զայիդի հետ կապված միջադեպից հետո կոշիկ է նետվել Չինաստանի վարչապետ Վեն Ցզյաբաոյի, Շվեդիայում Իսրայելի դեսպանի, Իրանի նախագահ Մահմուդ Ահմադինեժադի և Վրաստանի նախագահ Միխայիլ Սահակաշվիլիի վրա:
  Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
