Թուրքիայի Մեծ ազգային ժողովի նախագահ Ջեմիլ Չիչեքը նշել է հայ-թուրքական հարաբերությունների կարգավորման գլխավոր պայմանը: «Հայ-թուրքական հարաբերությունների կարգավորումն ուղղակիորեն կապված է ղարաբաղյան հիմնախնդրի լուծման հետ»,- հայտնել է Չիչեքը` Հայաստանին կոչ անելով անվերապահորեն ազատել Ադրբեջանի այսպես կոչված «օկուպացված տարածքները»: Նախօրեին ելույթ ունենալով Ադրբեջանի նախկին նախագահ Հեյդար Ալիևի հուշ-երեկոյին` Թուրքիայի խորհրդարանի խոսնակը խստորեն քննադատել է Արևմուտքին` Լեռնային Ղարաբաղի հակամարտության կարգավորման հարցում պասիվ դիրքորոշման համար: