Գործարար Սիլվա Համբարձումյանը քաղաքականություն մտնել չի ցանկանում, բայց եթե Սյունիքի մարզպետ Սուրիկ Խաչատրյանը թեկնածությունը դնի, ինքն էլ կդնի նույն տարածքում։ Այսօր լրագրողների հետ հանդիպմանն այս մասին ասաց անձամբ Սիլվա Համբարձումյանը՝ հավելելով, որ ինքը դեմ է Սուրիկ Խաչատրյանին՝ որպես կերպար։ Իսկ ընտրություններին նա պատրաստվում է մասնակցել մեծամասնականով՝ առանց որևէ կուսակցության անդամագրվելու։
Բանախոսը նշեց, որ Հայաստանը վաղուց արդեն արտասահմանում իմիջ չունի՝ թե գործարար, և թե քաղաքական առումներով, քանի որ՝ «Հայաստանում բիզնես ծավալելու համար պետք է անպայման քաղաքականություն մտնել»։ Ինչ վերաբերում է այժմ Հայաստանում իր ունեցած բիզնեսին, Սիլվա Համբարձումյանը նշեց, որ իրեն են պատկանում Երիցյանների հացի գործարանն ու ևս մեկ մեծ գործարան, որը դեռ չի գործում։
