  Մաքսիմ Շևչենկո. Պատերազմն Իրանում չի օգնի Բաքվին լուծել ղարաբաղյան հակամարտությունը 15 դեկտեմբերի 2011 - 21:38 AMT PanARMENIAN.Net - ՌԴ Հանրային պալատի անդամ, «Ժամանակակից աշխարհի քաղաքականության և կրոնների ռազմավարական հետազոտությունների կենտրոն» տարածաշրջանային հասարակական կազմակերպության ղեկավար Մաքսիմ Շևչենկոն Բաքվին խորհուրդ չի տալիս Իրանում պատերազմի դեպքում օգտվել այդ հանգամանքից և լուծել ղարաբաղյան հակամարտությունը ռազմական ճանապարհով: «Անկեղծ ասած` չէի ուզենա, որպեսզի պարզվեր, որ Ադրբեջանն այդքան անհեռատես է»,- հայտնել է նա: Նրա խոսքով` այսօր Հայաստանը Իրանի ռազմավարական դաշնակիցն է: «Բայց եթե Ադրբեջանում ենթադրում են, որ պատերազմն Իրանում կօգնի իրենց լուծել ղարաբաղյան հիմնախնդիրը ռազմական ճանապարհով, ապա դա սխալական կարծիք է: Նման քայլը շատ լուրջ գործընթացների կհանգեցնի: Ադրբեջանի տնտեսական զարգացման` վերջին տարիներին դիտվող ողջ դինամիկան մի ակնթարթում կանհետանա: Դա իմ անձնական փորձագիտական կարծիքն է»,- ընդգծել է Շևչենկոն: Փորձագետի կարծիքով` Ղարաբաղի հիմնահարցը կարող է լուծվել «միայն ու միայն խաղաղ ճանապարհով»: «Ես բացառում եմ այդ խնդրի լուծման ռազմական ճանապարհը: Իսկ եթե Ադրբեջանը, այնուամենայնիվ, որոշի ռազմական գործողությունների դիմել, ապա նա շատ սերտորեն առնչվելու է ՆԱՏՕ-ի ու Իսրայելի հետ: Ադրբեջանի հանդեպ համապատասխան վերաբերմունքը կլինի նաև նրանց կողմից, ովքեր այսօր քննադատում են Արևմուտքի և Իսրայելի քաղաքականությունը»,- նշել է նա` հավելելով, որ Հարավային Կովկասում Ռուսաստանի քաղաքականությունը շատ իմաստուն ու ողջամիտ է համարում: «Մոսկվան հանդես է գալիս ադրբեջանցիների ու հայերի միջև խաղաղ երկխոսության կողմից»,- նկատել է Շևչենկոն, հաղորդում է vesti.az-ը:   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
