2012թ. առաջին կեսին Հայաստանը բանակցություններ կսկսի ԵՄ հետ ազատ առևտրի պայմանագրին միանալու շուրջ, դեկտեմբերի 27-ի ամփոփիչ մամլո ասուլիսում հայտարարել է Հայաստանի էկոնոմիկայի նախարար Տիգրան Դավթյանը: «Դա թույլ կտա մեր գործարարներին ազատ մուտք ունենալ ԵՄ շուկաներ»,-ասել է նա՝ հավելելով, որ 2011թ. կարևոր էր միջազգային համագործակցության ընդլայնման ու խորացման տեսակետից:

Անդրադառնալով միջազգային համագործակցությանը՝ նախարարը հայտնեց, որ արդեն 20 կետերով Հայաստանը ստացել է ԵՄ համաձայնությունը Ասոցիատիվ համաձայնագրի շրջանակներում, ավելին, ակտիվորեն նախապատրաստական աշխատանքներ են ընթանում ԵՄ հետ ազատ առևտրի պայմանագրի շուրջ բանակցությունների մեկնարկի մասին: