Ըստ կանխատեսումների, հունվար ամսին հանրապետությունում դիտվում է միջինը 42մմ տեղումներ` հիմնականում ձյան տեսքով:

Այն շրջաններում, որտեղ ձևավորվում է հաստատուն ձյան ծածկ, հունվարին շարունակվում է ձնածածկույթի ինտենսիվ աճը:

Երրորդ տասնօրյակում դրա բարձրությունը նախալեռնային շրջաններում միջինը կազմում է 15-20 սմ է, լեռնային շրջաններում` մինչև 40 սմ, իսկ 2000մ-ից ավել բարձրություններում` 60-90 սմ:

Հունվարին դիտվող վտանգավոր երևույթներից են առատ ձյունը (երբ ձյան ծածկույթի օրական աճը 20սմ-ից ավել է) ձնաբուքը, որը խաթարում է տրանսպորտի աշխատանքը, մառախուղը: Ձնաբքերի ժամանակ մեծանում է ձնային բեռնվածությունը տանիքների վրա: Ձնաբքերը հաճախակի երևույթներ են լեռներում և լեռնանցքներում: Այդ շրջաններում ձյան ծածկույթի օրական աճի առավելագույն արժեքների միջինը կազմում է 9-11սմ, իսկ առավելագույնը հասնում է մինչև 50սմ և ավելի, հայտնում է ՀՀ ԱԻՆ-ը: