2011թ. վերջին 3 ամիսներին ՀՀ էկոնոմիկայի նախարարության Շուկայի և սպառողների շահերի պաշտպանության պետական տեսչությունը, հետազոտություններ կատարելով բենզինի շուկայում, կասեցրել է 15 տնտեսվարող սուբյեկտներից 4-ի աշխատանքը: Այդ մասին հունվարի 16-ին մամլո ասուլիսում հայտարարել է տեսչության պետ Լևոն Խալիկյանը: «Երևանում «ռեգուլյար» բենզինը վաճառվել է որպես «սուպեր» տեսակի բենզին,-ասել է նա:

Ավելին, ըստ նրա, «նույն հորից» երեք տեսակի բենզին են վաճառել՝ «ռեգուլյար», «սուպեր» և «պրեմիում»: Ինչպես հայտնել է մասնագետը, խախտումները հայտնաբերվել են շարժական լաբորատորիաների միջոցով: Լևոն Խալիկյանը հավելել է, որ խախտումները բենզինի շուկայում կրում են որակական, ոչ թե քանակական բնույթ, երբ տնտեսվարող սուբյեկտը «խաբում է» լիտրերի մեջ: