Իշխող Հայաստանի Հանրապետական կուսակցությունը (ՀՀԿ) կհստակեցնի խորհրդարանական ընտրությունների իր նախընտրական ցուցակը մարտից ոչ շուտ: Այդ մասին Երևանում կայացած մամլո ասուլիսում հայտարարել է ՀՀ Ազգային ժողովի փոխխոսնակ Էդուարդ Շարմազանովը: Նա հավելել է, որ հենց որ ցուցակը հստակեցվի, կուսակցությունը կհրապարակի այն:

Ինչ վերաբերում է առաջիկա ընտրությունների ֆավորիտին, ապա Շարմազանովը հայտարարել է. «Ես գտնում եմ, որ խորհրդարանական ու նախագահական ընտրությունների ակնհայտ ֆավորիտը ՀՀԿ-ն է նախագահ Սերժ Սարգսյանի գլխավորությամբ»: