«Հազարամյակի մարտահրավեր» կորպորացիայի երևանյան գրասենյակի տնօրենը պարգևատրվել է ՏԿՆ ոսկե մեդալով 24 հունվարի 2012 - 17:06 AMT PanARMENIAN.Net - ՀՀ փոխվարչապետ, տարածքային կառավարման նախարար Արմեն Գեւորգյանն այսօր ընդունեց Հայաստանում ԱՄՆ դեսպան Ջոն Հեֆերնին եւ «Հազարամյակի մարտահրավեր» կորպորացիայի հայաստանյան գրասենյակի տնօրեն Ալեքս Ռասինին, ով ավարտում է առաքելությունը Հայաստանում, հայտնում է նախարարության մամլո ծառայությունը Փոխվարչապետը շնորհակալություն հայտնեց Ալեքս Ռասինին` կատարած աշխատանքների, համագործակցության համար, եւ հաշվի առնելով Հայաստանի տարածքների զարգացման գործում նրա ներդրումը, պարգեւատրեց ՏԿՆ ոսկե մեդալով: Անդրադառնալով «Հազարամյակի մարտահրավեր հիմնադրամ -Հայաստան» ՊՈԱԿ-ի կողմից իրականացված ծրագրին` Ա. Գեւորգյանն այն իր էությամբ ու ծավալներով աննախադեպ համարեց: «Ծրագիրն իրականացվեց հիմնականում մարզերում եւ էական նշանակություն ունեցավ տարածքների համաչափ զարգացման համար, քանի որ ուղղված էր կենսական նշանակության ենթակառուցվածքների զարգացմանը»,-նկատեց փոխվարչապետը: Բացի այդ, ըստ նրա, ձեւավորվեց կառավարության, դոնոր կազմակերպության եւ հանրային հատվածի հաջող համագործակցության փորձ, կարեւոր էին նաեւ ծրագրի իրագործման ընթացքում ձեռք բերված հմտությունները, աշխատանքների կազմակերպման նոր ոճը: Միաժամանակ Ա. Գեւորգյանը նշեց, որ կառավարությունը կշարունակի հսկողությունը ծրագրի արդյունքների, եւ, հատկապես, հետերաշխիքային ժամկետում կատարվող աշխատանքների նկատմամբ: Նա կարեւորեց նաեւ ծրագրի նկատմամբ տեխնիկական մոնիտորինգ իրականացնող թիմերի գնահատականները: Հյուրերը եւս ծրագիրն արդյունավետ եւ հաջողված համարեցին` շնորհակալություն հայտնելով հայկական թիմի հետ համագործակցության եւ ծրագրի իրագործման գործում կառավարության աջակցության համար: Ա.Ռասինը տեղեկացրեց, որ «Հազարամյակի մարտահրավեր» կորպորացիայի կենտրոնական գրասենյակը քննարկել է «ՀՄՀ -Հայաստան» ՊՈԱԿ-ի ծրագրերի արդյունքում 100 մլն դրամի չափով խնայողության հարցը եւ որոշել գումարը թողնել հայկական կողմի տրամադրության տակ` ոռոգման համակարգում ներդնելու համար: Հանդիպման ավարտին փոխվարչապետը հաջողություններ մաղթեց Ա. Ռասինին «Հազարամյակի մարտահրավեր» կորպորացիայի ծրագրերի շրջանակում հետագա գործունեության մեջ:   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
