Ռումինիայում ձերբակալվել է Պենտագոնի և ՆԱՍԱ-ի սերվերների կոտրելու մեջ կասկածվող 20-ամյա հաքերը: Հետաքննության տվյալներով, TinKode անվամբ հանդես եկող կասկածյալը մտել է ՆԱՍԱ-ի սերվեր և, կոտրելով անվտանգության մի քանի մակարդակները, բացել փակ տվյալները, հաղորդում է «Վեստին»:

«Նրա գործունեության արդյունքում ժամանակավորապես խախտվել է համակարգերի նորմալ գործունեությունը, սահմանափակվել է այդ սերվերների հասանելիությունը», - ասվում է ԱՄՆ Կազմակերպված հանցավորության դեմ պայքարի վարչության հայտարարությունում:

Ռումինացի հաքերը բազմիցս հարձակվել են խոշորագույն եվրոպական թերթերի կայքերի վրա, օրինակ բրիտանական The Daily Telegraph-ի և ֆրանսիական Le Monde-ի՝ նման կերպ փորձելով ապացուցել, որ «ռումինացիները ոչ մի ընդհանուր բան չունեն գնչուների հետ»: