Սինգապուրում գնահատում են սինգապուրահայ համայնքի դերը երկրի զարգացման գործում29 փետրվարի 2012 - 13:34 AMT PanARMENIAN.Net - Փետրվարի 28-ին Սինգապուրի ղեկավարի հետ հանդիպումից հետո տեղի ունեցան Էդվարդ Նալբանդյանի և Սինգապուրի ԱԳ նախարար Կ Շանմուգամի միջև բանակցությունները, որոնց օրակարգում էին ՀՀ նախագահի Սինգապուր այցելության նախապատրաստական աշխատանքները, տարբեր ոլորտներում երկկողմ համագործակցության ընդլայնման հնարավորությունները: Նախարար Շանմուգամն ընդգծեց, որ դիվանագիտական հարաբերությունների քսանամյակի տարում բարեկամ Հայաստանի նախագահի առաջին այցելությունը Սինգապուր խորհրդանշական է և այն նոր լիցք կհաղորդի երկկողմ համագործակցության զարգացմանը: Հայաստանի և Սինգապուրի արտաքին գործերի նախարարները հանգամանալից անդրադարձան իրավապայմանագրային դաշտի ամրապնդմանն առնչվող հարցերի, պայմանավորվեցին առաջիկայում ստորագրման պատրաստել մի շարք փաստաթղթեր: Սինգապուրի ԱԳ նախարարը ևս մեծապես կարևորեց սինգապուրահայ համայնքի դերակատարությունը իր երկրի զարգացման գործում: արար Նալբանդյանը շնորհակալություն հայտնեց Սինգապուրում հայկական մշակութային ժառանգության հանդեպ հոգատար վերաբերմունքի համար: Զրուցակիցները հանգամանալից մտքեր փոխանակեցին մի շարք միջազգային կարևորության խնդիրների՝ ասիական տարածաշրջանի հիմնահարցերի, Մերձավոր Արևելքում տեղի ունեցող իրադարձությունների վերաբերյալ: Հանդիպմանը անդրադարձ կատարվեց նաև ԱՍԵԱՆ-ի շրջանակներում իրականացվող համագործակցությանը: Նախարար Նալբանդյանը՝ սինգապուրցի գործընկերոջը ներկայացրեց կովկասյան տարածաշրջանում անվտանգության և համագործակցության հաստատման նպատակով Հայաստանի կողմից ձեռնարկվող քայլերը, արցախյան հիմնախնդրի կարգավորման գործընթացը: Քննարկումները շարունակվեցին ՀՀ ԱԳ նախարարի պատվին Սինգապուրի արտգործնախարարի կողմից տրված պաշտոնական ընթրիքի ընթացքում: Ուշագրավ Նա նշել է, որ աշխատանքներ են տարվում Ադրբեջանի և ՀՀ միջև խաղաղության համաձայնագրի ստորագրման ուղղությամբ Նա այդ մասին խոսել է ԱԶԿ խորհրդարանական խմբակցության հետ հանդիպման ժամանակ «Մնացած չլուծված հարցերի շուրջ, կարծում եմ, հեշտությամբ կարելի է պայմանավորվել»,- ասել է Նշվել է, որ 15 անձի նկատմամբ հետաքննությունն ավարտվել է։ | Միրզոյանն ու Կուլեբան կարևորվել են Կիևում անցկացված քաղաքական խորհրդակցությունները Անդրադարձ է կատարվել տարածաշրջանային թեմաներին ՀՀ և Սլովենիայի ԱԳ նախարարները քննարկել են երկկողմ օրակարգի և տարածաշրջանային հարցեր Միրզոյանը շնորհակալություն է հայտնել Լեռնային Ղարաբաղից տեղահանված երեխաներին աջակցության համար Լոռի Բերդ ամրոցի եկեղեցու վերականգնումը սկսվել է Ընտրվել են վերականգնման համար անհրաժեշտ քարատեսակները, մաքրվել է տանիքների վրա կուտակված հողի շերտը Միրզոյանը Բորելի հետ խոսել է տարածաշրջանային վերջին զարգացումներից Միրզոյանը շփումներ է ունեցել ֆորումին մասնակցող բարձրաստիճան պաշտոնյաների հետ |