  ԼՂՀ ՊԲ-ն հերքել է ադրբեջանական ԶԼՄ-ների հերթական ապատեղեկատվությունը 29 փետրվարի 2012 - 13:54 AMT PanARMENIAN.Net - Լեռնաին Ղարաբաղի Պաշտպանության բանակը հերքել է ադրբեջանական լրատվամիջոցների կողմից այսօր տարածված տեղեկությունն առ այն, թե իբր ղարաբաղա-ադրբեջանական հակամարտ զորքերի Մարտունու պաշտպանական ուղղությամբ արձանագրված հրադադարի ռեժիմի խախտման արդյունքում ղարաբաղյան դիրքապահների կողմից վիրավորվել է Ադրբեջանի ԶՈՒ սպա Փյարվին Ալիևը, հերթական նպատակաուղղված ապատեղեկատվություն է, որն առավելապես միտված է մի կողմից միջազգային հանրության շրջանում հայկական զինուժը ներկայացնել նախահարձակի դերում, իսկ մյուս կողմից՝ սեփական բանակում տիրող բարձիթողի վիճակը պարտակել իր իսկ ժողովրդից: Այս մասին նշում է ԼՂՀ Պաշտպանության բանակի մամուլի ծառայությունը: Իսկ իրականությունն այն է, որ ՊԲ առաջապահ ստորաբաժանումները, փետրվարի 28-ին ոչ միայն շարունակել են հարգել հակամարտ կողմերի միջև ձեռքբերված հրադադարի մասին պայմանավորվածությունը, այլև ձեռնպահ են մնացել հակառակորդի կողմից ձեռնարկված նախահարձակ գործողություններին պատասխանելուց: Միայն այն փաստը, որ հակամարտ զորքերի շփման գծի ողջ երկարությամբ փետրվարի 27-ի լույս 28-ի գիշերը ադրբեջանական բանակի առաջապահ ստորաբաժանումները հրադադարի պահպանման ռեժիմը խախտել են շուրջ 45 անգամ և տարբեր տրամաչափի հրաձգային զինատեսակներից հայկական դիրքապահների ուղղությամբ արձակել ավելի քան 200 կրակոց, պերճախոս վկայությունն է այն բանի, որ Բաքվի քարոզչությունն, իր սովորության համաձայն, ամեն ինչ շարունակում է ներկայացնել գլխիվայր:   Ուշագրավ Նա նշել է, որ աշխատանքներ են տարվում Ադրբեջանի և ՀՀ միջև խաղաղության համաձայնագրի ստորագրման ուղղությամբ Նա այդ մասին խոսել է ԱԶԿ խորհրդարանական խմբակցության հետ հանդիպման ժամանակ «Մնացած չլուծված հարցերի շուրջ, կարծում եմ, հեշտությամբ կարելի է պայմանավորվել»,- ասել է Նշվել է, որ 15 անձի նկատմամբ հետաքննությունն ավարտվել է։   |  Սյուժե Վերջին լուրեր Միրզոյանն ու Կուլեբան կարևորվել են Կիևում անցկացված քաղաքական խորհրդակցությունները  Անդրադարձ է կատարվել տարածաշրջանային թեմաներինՀՀ և Սլովենիայի ԱԳ նախարարները քննարկել են երկկողմ օրակարգի և տարածաշրջանային հարցեր Միրզոյանը շնորհակալություն է հայտնել Լեռնային Ղարաբաղից տեղահանված երեխաներին աջակցության համարԼոռի Բերդ ամրոցի եկեղեցու վերականգնումը սկսվել է Ընտրվել են վերականգնման համար անհրաժեշտ քարատեսակները, մաքրվել է տանիքների վրա կուտակված հողի շերտըՄիրզոյանը Բորելի հետ խոսել է տարածաշրջանային վերջին զարգացումներից Միրզոյանը շփումներ է ունեցել ֆորումին մասնակցող բարձրաստիճան պաշտոնյաների հետ |
