«Կանադայի դեմ խաղում մեր տղաները փայլուն հանդես եկան, Արազ Օզբիլիսը շատ լավ խաղաց և ապացուցեց իր բարձր կարգը: Մեր հավաքականը համալրվեց նման տաղանդավոր ֆուտբոլիստով և մոտ ապագայում կարող է պայքարել ցանկացած հավաքականի դեմ»,- մարտի 2-ին լրագրորղների հետ հանդիպման ժամանակ ասել է ՀՖՖ նախագահ Ռուբեն Հայրապետյանը:
Նրա խոսքով, Adidas ընկերության մարզահագուստը, ամենայն հավանականության, Հայաստան կժամանի ապրիլին, և այն փորձարկելու հնարավորություն հավաքականը կունենա մայիսին նախատեսված ընկերական խաղում: Այդ խաղը տեղի կունենա Ավստրիայում Հունաստանի դեմ:
Հայրապետյանը նշել է, որ «Հրազդան» մարզադաշտը արդեն վերանորոգվում է և ամեն ինչ կարվի, որ օգոստոսին Բելոռուսի հետ ընկերական խաղին այն պատրաստ լինի: «Առաջիկայում մենք կփոխենք խոտածածկը, կվերանարոգենք հանդերձարանները և կփոխենք լույսերը, որոնք չեն համապատասխանում միջազգային չափանիշներին: Այդտեղ շատ ծավալուն աշխատանք կա իրականացնելու»,- ավելացրել է նա:
