Ռուբեն Հակոբյան. Ապագան ցույց կտա, թե ով իսկապես կպայքարի հանուն «ազատ և արդար ընտրությունների»
«Ժառանգություն» կուսակցության նախագահի տեղակալ Ռուբեն Հակոբյանը մեկնաբանել է «Բարգավաճ Հայաստան» կուսակցության 6-րդ համագումարում ԲՀԿ նախագահ Գագիկ Ծառուկյանի հայտարարությունը, թե «Բարգավաճ Հայաստանը» պայքարելու է հանուն երկրում «ազատ և արդար ընտրությունների» անցկացման: «Այդ ձևակերպումը` ազատ և արդար ընտրություններ, դրական իմաստով թափառող ձևակերպում է դարձել քաղաքական դաշտում»,- նշել է Հակոբյանը:
Ընդ որում նա հավելել է, որ այդ հայտարարություններն անհրաժեշտ են քաղաքական դաշտում, «և սա այն դեպքն է, որպեսզի խոսքը գործի վերածվի»:
Հակոբյանը նշել է նաև, որ բոլորն ասում են, թե իրենք ազատ և արդար ընտրությունների կողմից են, բայց ապագան ցույց կտա, թե ով իսկապես կպայքարի հանուն դրա:
