ԲԱՑԱՌՎԱԾ ՉԷ, ՈՐ ԵՎՐՈՊԱՅԻ ԽՈՐՀՈՒՐԴՆ ՊԱՏԺԱՄԻՋՈՑՆԵՐ ԿԿԻՐԱՌԻ ԱԴՐԲԵՋԱՆԻ ԴԵՄ ԱՐԴԵՆ ԱՇՆԱՆԸԱդրբեջանի վերաբերյալ ԵԽԽՎ մոնիտորինգի կոմիտեի զեկույցն կհրապարակվի այս տարվա հոկտեմբերին: Ավարտվեց Եվրոպայի Խորհրդի խորհրդարանական վեհաժողովի մոնիտորինգի կոմիտեի Ադրբեջանի վերաբերյալ զեկուցողների այցը Բաքու: Ինչպես եւ խոստացել էին, երկրի բարձրաստիճան ղեկավարության ներկայացուցիչները հրաժարվեցին ընդունել Անդրեաս Գրոսսին եւ Մարտինես Կասանին: Այսպիսով, պաշտոնական Բաքուն հավատարիմ մնաց եվրոպական կառույցներին հակասելու քաղաքականությանը, որոնք բավարարված չեն Ադրբեջանի ստանձնած պարտավորությունների կատարման ընթացքով: ![]() PanARMENIAN.Net - Իշխանությունների դեմարշն ավելի սաստկացրեց զեկուցողների բացասական տրամադրվածությունը, որոնք մարդու իրավունքների լուրջ խախտման վերաբերյալ բավականաչափ տեղեկություններ էին հավաքել իրավապաշտպանների եւ ոչ կառավարական կազմակերպությունների ներկայացուցիչների հետ հանդիպումների ընթացքում: Առկա բոլոր հիմքերը վստահություն են ներշնչում, որ մոնիտորինգի խմբի վերջնական հրապարակվող զեկույցն ավելի քան անհարմար կլինի Բաքվի իշխանություններին: Ադրբեջանում այդ կարծիքը շատերն են կիսում: «Արդեն այսօր ԵԽԽՎ-ում ադրբեջանական պատվիրակության անդամներին անհրաժեշտ է բացատրություն գտնել, թե ինչու Ադրբեջանի վերաբերյալ զեկույցն այդքան խիստ երանգներով է հնչելու»,-գրում է Բաքվում հրատարակվող «Էխո» թերթը: «Գրոսսի հայամետ դիրքորոշումը, որը հիմնավորված է միայն նրա երբեմնի հայ պատգամավորի օգնական լինելով, արդեն իսկ անուժ է եւ քաղաքացիներին չի բավարարի: Ինչքա՞ն կարելի է արտաքին քաղաքականության սեփական ձախողումները արդարացնել հայկական Սփյուռքի հզորությամբ»: Մեր կողմից ավելացնենք, որ հայ պատգամավորին Գրոսսի նվիրվածության մասին առասպելը հորինող Իլհամ Ալիեվը նեղություն չկրեց այդ առասպելի իսկությունը հաստատող որեւէ ապացույց ներկայացնել: Մեր տեղեկություններով Գրոսսն իրոք աշխատել է շվեյցարական խորհրդարանի պատգամավոր Վիկտոր Ռուֆիի աշխատակազմում: Ծագումով հրեա Ռուֆին իր հայկական ծագման մասին տեղեկությունը զարմանքով է ընդունել: Ամբողջովին հօդս ցնդեցին ադրբեջանցիների պատրանքներն այն մասին, թե յուրօրինակ «անհնազանդության քայլեր» ցուցաբերելով` կարելի կլինի փափկեցնել Եվրոպայի Խորհրդի դիրքորոշումը քաղբանդարկյալներին անմիջապես ազատ արձակելու պահանջի հարցում: ԵԽԽՎ ղեկավարները բավականին կոշտ արտահայտվեցին դեմարշի վերաբերյալ` հասկացնելով, որ Ադրբեջանը չի կարող հուսալ, թե զեկուցող Անդրեաս Գրոսսը կփոխարինվի: Այն, որ հենց Գրոսն է շարունակում առաջնային դեր խաղալ Ադրբեջանի հարցով մոնիտորինգի խմբում, հաստատվեց նաեւ այցի ընթացքում: Գրոսսի գործընկեր Մարտինես Կասանը, որին Բաքվում համարում են Ադրբեջանին առավել հավատարիմ քաղաքական գործիչ, փաստորեն մի կողմ էր քաշվել: Բաքվում անցած հանդիպումներին նրա մասնակցությունը սիմվոլիկ բնույթ էր կրում: Ադրբեջանի ժողովրդավարական կուսակցության գլխավոր քարտուղար Սարդար Ջալալօղլին, պատմելով զեկուցողների հետ հանդիպման մասին, ասաց. «Այնտեղ էր Գրոսսը, նրա օգնականը եւ մի ակնոցավոր մարդ»: Այդ լռակյաց ակնոցավոր մարդը Կասանն էր: Փաստաթուղթը, որում կշարադրվեն զեկուցողների եզրակացությունները, նախատեսվում է հրապարակել այս տարվա հոկտեմբերին: Դա նշանակում է, որ արդեն աշնան վերջին Եվրոպայի Խորհրդի կողմից ճնշման հետ կապված լուրջ խնդիրներ են սպասվում Ադրբեջանին: Ադրբեջանի դեմ պատժամիջոցների կիրառման հարցը նորից դառնում է այժմեական: ![]() ![]() ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով ![]() ![]() ![]() «Խաղի» մեջ վերադառնալու ցանկությամբ ![]() Դրագոմանների ժամանակը ![]() Բարձր պաշտոնից՝ մեղավորի աթոռին ![]() | ![]() ![]() ![]() ![]() ![]() ![]() ![]() ![]() |