 ՀԱՅԸ ԲԱՆՏՈՒՄ ԷԼ ՀԱՅ ԷԱդրբեջանում հայկական ծագում ունենալը բավարար է վանդակների ետեւում հայտնվելու համար Տարբեր աղբյուրների համաձայն` այսօր Ադրբեջանում ծագումով հայ կամ հայկական արմատներ ունեցող երկուսից մինչեւ քսան հազար անձինք են բնակվում: Նրանք հիմնականում ժամանակին ադրբեջանցիների հետ ամուսնացած կանայք են եւ նման ամուսնություններից ծնված երեխաներ: Այս մարդկանց բախտն ավելի չի ժպտացել, քան` փախստականներին: Նրանք, ովքեր ընտանեկան կապեր չունենալու պատճառով չեն կարողացել հեռանալ Ադրբեջանից, ստիպված են անտանելի ստորցումներ հանդուժել: Օրենքը բոլորովին չի գործում հայկական արյուն ունենալու կասկած հարուցող մարդկանց դեպքում: Սրանում համոզվելու հնարավուրություն են ունեցել վերջերս Բաքու այցելած ԵԽԽՎ-ի Ադրբեջանի գծով մոնիտորինգի կոմիտեի համազեկուցողները:  25 հուլիսի 2002PanARMENIAN.Net - ԵԽԽՎ-ի փորձագետների պատրաստած Ադրբեջանական բանտերում անօրինականորեն պահվող երեք հարյուր քաղբանտարկյալների ցուցակում ներառված է ոմն Ֆաինա Կունգուրովայի անունը: Հայտնի է, որ նա հայակակն արմատներ ունի: Ընդդիմադիր Դեմոկրատական կուսակցության անդամ Կունգուրովան հակապետական գործունեության մեղադրանքով օրերս դատապարտվել է երեք տարի ազատազրկման: Նրա հակապետական գործունեությունը պատճառաբանվում է միայն նրանով, որ վերջերս նա մասնակիցն է եղել ընդդիմության ցույցին: ԵԽԽՎ-ի մոնիտորինգի կոմիտեի համազեկուցող Անդրեաս Գրոսսը հավաստում է, որ Կունգուրովան ձերբակալվել է «Դեմոկրատական կուսակցության ակտիվիստներից լինելու պատճառով», այսինքն` համոզմունքների համար: Սակայն, ակնհայտ է, որ հենց ծագումն է եղել պատճառը, որ Կունգուրովային ոչ ոք չի պաշտպանել: Դեմոկրատական կուսակցության ակցիաներին մասնակցում են հազարավոր մարդիկ, սակայն հատկանշական է, որ ձերբակալում են միայն ծագումով հայուհուն, որն, իդեպ, ցույցի ընթացքում չի առանձնացել իր ակտիվությամբ: Ոստիկանությունը ձերբակալությունների բավարար քանակ ապահովելու` ղեկավարության հրամանը կատարելու առավել պարզ միջոց է գտել: Հաշվարկը հասկանալի է` ոչ ոք հանդես չի գա ի պաշտպանություն հայուհու: Հայերի պաշտպանի անուն ձեռք բերելու վտանգը ադրբեջանցի ամենախիզախ իրավապաշտպանի բերանը նույնիսկ կփակի: «Ես նոր անհանգստացնող փաստեր իմացա: Կալանավայրում Կունգուրովային ծեծում են մյուս բանտարկյալները»,- հաստատում է Գրոսսը: Շվեյցարական պատգամավորի խոսքերով, «մտերիմները չեն ցանականում նրա հետ կապ պահպանել»: ֆաինայի հայկական արմատները հաշվի առնելով` նրա հետ շփումներից խուսափում են նաեւ ամուսինը եւ նրա ազգականները: Բերված փաստերը ավելի քան պարզ են ներկայացնում այն հայերի անպաշտպանության աստիճանը, որոնք նախընտրել են ձուլումը փախուստից: Ժամանակակից Ադրբեջանում իսլամի ընդունման եւ իրենց ծագումնաբանությունը ամբողջովին մոռանալու պատրաստակամությունը քաղաքացիների նույնիսկ տարրական իրավունքների պահպանման երաշխիքը չէ:  Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով    Ուշադրության կենտրոնում Բաժնի այլ նյութերը«Խաղի» մեջ վերադառնալու ցանկությամբ  ՌԴ-ն փորձում է չմարգինալացվել ՀՀ-Ադրբեջան բանակցային գործընթացումԴրագոմանների ժամանակը Դեպի արդիականացված արտաքին քաղաքականությունԲարձր պաշտոնից՝ մեղավորի աթոռին 2018-ի «մեղադրյալները» |  Այլ հոդվածներ Վերջին լուրեր ԵԱԶԲ–ն, ՄԱԿ-ի Պարենի համաշխարհային ծրագիրն ու «Երեմյան Ֆարմը» ՀՀ–ում «Կաթ դպրոցներում» ծրագրի ընդլայնման մտադրությունների համաձայնագիր են կնքել «Կաթ դպրոցներում» ծրագրի մեկնարկն ազդարարվել էր 2022 թվականի դեկտեմբերինOVIO-ի նախաձեռնությամբ անցկացվել է «Ամպային տեխնոլոգիաների և Տվյալների մշակման կենտրոնների զարգացում» խորագրով DC24 համաժողովը Համաժողովի նպատակն է վերհանել ոլորտի մարտահրավերները և գտնել դրանց լուծումներըԲաղանիսում, Բերքաբերում, Կիրանցում և Ոսկեպարում անհատական բնակելի տուն կառուցելու դեպքում կտրվի 5 մլն դրամ Շահառուների նոր շրջանակին վերաբերող փոփոխություններն ուժի մեջ կմտնեն օգոստոսի 1-իցԸստ Բայրամովի՝ խաղաղության գործընթացի ամենալուրջ խոչընդոտը ՀՀ սահմանադրությունն է «Բաց մնացած հարցերի թիվը զգալիորեն կրճատվել է»,- ասել է նա |
