ԱՄԵՐԻԿՅԱՆ ԿՈՆԳՐԵՍԸ ՆԱԽԸՆՏՐՈւՄ Է ՀԱՅԵՐԻ ՀԱՄԱՐ ԳՈՒՄԱՐ ՉՏՆՏԵՍԵԼԱՄՆ-ի կոնգրեսի հայամետ ուժերը պատրաստ են հակազդել Հայաստանին տրամադրվելիք օգնության կրճատմանը: Այս տարվա բյուջետային հատկացումների մասին օրենքի վերջնական հաստատումից անմիջապես հետո ԱՄՆ-ի ադմինիստրացիան կոնգրեսին ներկայացրեց 2004թ-ի հատկացումների մասին օրենքի նախագիծը: Մեզ համար այս փաստաթուղթը նշանակալից է նրանով, որ ներկայացվում է զարգացող երկրներին օգնություն տրամադրելու չափը: Ինչպես եւ նախորդ երեք տարիներին, Սպիտակ տունը կրկին կոնգրեսին առաջարկել է կրճատել Հայաստանին առնչվող թվերը, քանի որ բնակչության թվի հետ համեմատ մեր երկիրը ստանում է ամենամեծ օգնությունը ԱՊՀ երկրների շարքում: Դժվար չէ կանխատեսել խորհրդարանականների արձագանքը: Կոնգրեսի հայկական խումբը պատրաստ է հակազդել ադմինիստրացիայի նախաձեռնությանը բոլոր այն հանձնաժողովներում, որոնցով անցնելու է օրինագիծը: 10 փետրվարի 2003 PanARMENIAN.Net - Այս անգամ Սպիտակ տունը Կապիտոլիումին առաջարկել է կրճատել ԱՊՀ բոլոր պետություններին տրամադրվելիք օգնության չափը, այդ թվում` Ադրբեջանին եւ Վրաստանին: Լիովին սպասելի էր Ջորջ Բուշի նման որոշումը: Այլ բան եւ պետք չէր ակնկալել, եթե հաշվի առնենք Մերձավոր Արեւելքում սպասվելիք պատերազմը: Բոլոր հարավ-կովկասյան պետությունների համար ադմինիստրացիան նախատեսել է հավասար գումար: Սակայն եթե հաշվի առնենք բնակչության թիվը, ապա ամեն դեպքում ակնհայտ է հայերի օգտին առաջնայնությունը: Բացարձակ թվերում առաջնորդում է Վրաստանը: Ամենաքիչ օգնությունը բաժին է ընկնում Ադրբեջանին, որի բնակչության մեկ հոգուն նախատեսվում է ընդամենը 5 դոլար: Այնուհանդերձ, Բաքվում գոհ են: Բավարարված են միայն այն բանի համար, որ ամերիկյան ադմինիստրացիան կրկին հայտարարել է Երեւանին տրամադրվող օգնության կճրատման մտադրության մասին: Սպիտակ տունը առաջարկում է կոնգրեսին Հայաստանի համար նախատեսել 50 միլիոն դոլար, այն դեպքում, երբ 2003 թվ.-ի համար հաստատվել է մոտ 90 միլիոն: Հիշեցնենք, որ վերջին երեք տարիների ընթացքում ադմինիստրացիան երեք անգամ փորձել է կրճատել Հայաստանին տրամադրվող օգնությունը, սակայն ոչ մի անգամ հաջողության չի հասել: Ամեն անգամ կոնգրեսի հայամետ ուժերին հաջողվել է վերականգնել նախորդ տարիներին տրված օգնության չափը: Անցյալ տարվա սկզբին Ջորջ Բուշն առաջարկել էր սահմանափակվել 70 միլիոնով: Այս անգամ առաջարկվող գումարն ավելի քիչ է, քանի որ ավելի քիչ են եւ հնարավորությունները: Հատկանշական է, որ նույնիսկ Երեւանում ԱՄՆ դեսպան Ջոն Օրդուեյը խոսում է նախագծում Հայաստանին առնչվող հատկացումների վերափոխումների հնարավորության մասին: Դիվանագետի խոսքերով, հնարավոր է, որ կոնգրեսը կրկին անտեղի համարի կրճատել Հայաստանին տրամադրովող օգնությունը: Կոնգրեսի հայկական խումբը բավականաչափ փաստարկներ ունի հօգուտ այս հարցի: Դրանցից կարեւորագույնն այն է, որ ադմինիստրացիային այդպես էլ չի հաջողվել իրականացնել 2003թվ.-ի հատկացումների մասին օրենքում տեղ գտած գլխավոր պայմանը: Փաստաթղթում խոսվում է Թուրքիայի կողմից Հայաստանի հանդեպ իրականացված շրջափակմանը հակազդելու անհրաժեշտության մասին: Հայկական լոբբին մտադիր է օրենսդիրների ուշադրությունը հրավիրել այն փաստի վրա, որ գործադիր իշխանությունը չի կարողացել Անկարային եւ Բաքվին ստիպել դադարեցնելու շրջափակումը, որը Հայաստանի համար արժենում է տարեկան 600-ից 700 միլիոն դոլար: Ամերիկայի Հայկական ազգային կոմիտեի տնօրեն Արամ Խաբրամյանը վերջերս հայտարարել է, որ ադմինիստրացիան իր մասով պատասխանատվություն պետք է կրի այն բանի համար, որ շրջափակումը մինչ այժմ շարունակվում է: Միակ բանը, որով Վաշինգտոնը կարող է փոխհատուցել իր անտարբերությունը, կարող է լինել ֆիանանսական օգնությունը: Գրեթե այսպես է մտածում կոնգրեսի հայկական խմբի 126 անդամներից յուրաքանչյուրը: Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով Բաժնի այլ նյութերը «Խաղի» մեջ վերադառնալու ցանկությամբ ՌԴ-ն փորձում է չմարգինալացվել ՀՀ-Ադրբեջան բանակցային գործընթացում Դրագոմանների ժամանակը Դեպի արդիականացված արտաքին քաղաքականություն Բարձր պաշտոնից՝ մեղավորի աթոռին 2018-ի «մեղադրյալները» | IDBank-ը՝ «Ներս արի» հաղորդման հյուր․ Պատմում ենք idcoin-ի մասին Քննարկման առանցքային թեման idcoin-ն էր՝ IDBank-ի լոյալության նոր միավորը Գյուղապետ․ Կիրանցի այլընտրանքային ճանապարհի երկայնքով նաև պատ է կառուցվում «Պատ էլ են շարում, ճանապարհի երկու կողմով պատ են շարում»,- ասել է Շահինյանը Երթևեկության փոփոխություն՝ Գրիգոր Լուսավորչի–Արգիշտիի–Իտալիայի փողոցների խաչմերուկում Հետիոտնային անցումը կտեղափոխվի Ալ. Մյասնիկյանի արձանին հարող ճանապարհահատված ՀՀ բանկերի ղեկավար կազմն այցելել է OVIO-ի տվյալների մշակման կենտրոն Տվյալների մշակման կենտրոնը OVIO ընկերության կողմից կոմերցիոն շահագործման է հանձնվել 2024թ․ մայիսին |