 ԲԵՆ ԼԱԴԵՆԻ ՄԱՐԴԻԿ ԻՐԵՆՑ ԼԻՈՎԻՆ ՀԱՐՄԱՐԱՎԵՏ ԵՆ ԶԳՈւՄ ԲԱՔՎ ՈւՄԱդրբեջանում միջազգային ահաբեկչական ցանցի ճյուղավորումների գործունեությանը վերաբերող նոր մանրամասներ են ի հայտ գալիս: Անցյալ շաբաթ Մյունխենում կայացավ միջազգային 39-րդ հերթական գիտաժողովը նվիրված գլոբալ անվտանգության հարցերին: Այս լուրջ քննարկման ընթացքում ամբիոնից ասված շատ ելույթներ դուր չեն եկել Բաքվի ղեկավարներին: Հատուկ զայրույթ է նրանց մոտ առաջացրել Ռուսաստանի պաշտպանության նախարար Սերգեյ Իվանովի ելույթը: վերջինս ներկայացրել է փաստեր, որոնք հաստատում են «Ալ Քաիդա» միջազգային ահաբեկչական ցանցի ճյուղավորումների ներկայաությունը Ադրբեջանում եւ Թուրքիայում: Ռուսաստանի զինվորական գերատեսչության ղեկավարի խոսքերով, հենց «Ալ Քաիդայի» եւ «Թալիբանի» Բաքվի ներկայուցուցչություններն են ֆինանսավորում եւ զինում Չեչնիայում կռվող զինվորներին:  12 փետրվարի 2003PanARMENIAN.Net - Սա միակ տհաճ անակնկալը չէր, որ անցյալ շաբաթ ստացան Ադրբեջանի իշխանությունները: Պակաս սենսացիոն չէր Չիկագոյում շարունակվող դատական պրոցեսի ընթացքում «Միջազգային բարեգործական հիմնադրամ» ծայրահեղական կազմակերպության հիմնադիր Էնաամ Արնաուտի տրված ցուցմունքները: Այս միջազգային ճյուղավորված կառույցի առաջնորդը, որը սերտ կապեր ունի Ուսամա բեն Լադենի հետ, խոստովանել է, որ Բաքվում գործող մասնաճյուղը իրոք մասնակցել է չեչեն ահաբեկիչների ֆինանսավորմանը: Հիշեցնենք, որ երկու ամիս առաջ չեչեն հրամանատարների հետ «Միջազգային բարեգործական հիմնադրամի» Բաքվի գրասենյակի ունեցած կապի մասին խոսել էր Ռուսաստանի նախագահի օգնական Սերգեյ Յաստրժեմսկին: Նա հայտնել էր, որ առկա են անհերքելի փաստեր այն մասին, որ հիմնադրամի ադրբեջանական մասնաճյուղի հաշվին հավաքվում են միջոցներ Մոսկվայում եւ Հյուսիսային Կովկասի քաղաքներում ահաբեկչական գործողություններ իրականացնող խմբավորումներին ֆինանսավորելու համար: Հաստատվել է, որ արդեն հանգուցյալ հրամանատար Խատտաբը Բաքվից ստացել է մեծ քանակությամբ պայթուցիկ նյութեր, կապի միջոցներ, պաշտպանական հանդերձանք, ռենտգենային սարքավուրումներ եւ տարատեսակ զինամթերք: «Միջազգային բարեգործական հիմնադրամի» առաջնորդ Էնաամ Արնաուտը հաստատել է գրեթե բոլոր այս փաստերը: Հայտնի է, որ բարեգործական կազմակերպության անվան տակ գործող «Միջազգային բարեգործական հիմնադրամի» Բաքվի մասնաճյուղը հիմնվել է ութ տարի առաջ: Երբ հայտնի է դարձավ հիմնադրամի եւ «Ալ Քաիդայի» կապը, աշխարհում գործող հիմնադրամի տարածաշրջանային կառույցները փակվեցին, իսկ դրանց ղեկավարները պատասխանատվության ենթարկվեցին: Սակայն Բաքվի մասնաճյուղը շարունակեց անխափան գործել: Արնաուտի էմիսարները շարունակում են իրենց բավականին անվտանգ զգալ Բաքվում նույնիսկ այն բանից հետո, երբ ՄԱԿ-ի անվտանգության խորհուրդը մամուլի համար տարածեց տեղեկատվություն, որտեղ զարմանք էր հայտնվում Ադրբեջանի իշխանությունների անտարբերության առիթով, որոնք ոչինչ չեն ձեռնարկում կասեցնելու համար «Միջազգային բարեգործական հիմնադրամի» գործունեությունը: Հայտարարության մեջ նշված էր մասնաճյուղի գլխավոր շտաբի հասցեն` Բաքու, Բաշիր Սաֆաօղլու փողոց, տուն 69: Սակայն սա էլ չպարտադրեց Բաքվի ղեկավարներին դադարեցնելու ահաբեկչական կառույցի գործունեությունը: ՄԱԿ-ի Անվտանգության խորհրդի հայտարարության տարածումից մեկ շաբաթ հետո «Միջազգային բարեգործական հիմնադրամի» մասնաճյուղի ղեկավարները Բաքվի լրագրողներին հավաստում էին, որ իշխանությունների կողմից «ոչ մի ճնշման չեն ենթարկվել»: Այն, որ Ադրբեջանի իշխանությունները չեն ցանկանում կամ չեն կարողանում պայքարել միջազգային ահաբեկչական կառույցների դեմ, վաղուց ակնհայտ է: Սակայն պաշտոնական Բաքուն մինչ այժմ չի համակերպվում այն մտքի հետ, որ քաղաքակիրթ աշխարհը Ադրբեջանը համարում է մի երկիր, որտեղից ահաբեկչության վտանգ է սպասվում: Հնարավոր է, որ Սերգեյ Իվանովի հայտարարությունը եւ Ինաամ Արնաուտի խոստովանությունը կօգնեն համակերպվել այդ փաստի հետ:  Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով    Ուշադրության կենտրոնում Բաժնի այլ նյութերը«Խաղի» մեջ վերադառնալու ցանկությամբ  ՌԴ-ն փորձում է չմարգինալացվել ՀՀ-Ադրբեջան բանակցային գործընթացումԴրագոմանների ժամանակը Դեպի արդիականացված արտաքին քաղաքականությունԲարձր պաշտոնից՝ մեղավորի աթոռին 2018-ի «մեղադրյալները» |  Այլ հոդվածներ Վերջին լուրեր ՔԿ․ Ըստ զորամասի հաղորդման՝ պայմանագրային զինծառայողն իրեն ամրակցված ինքնաձիգից ինքն իրեն պատճառել է հրազենային վնասվածք Դիակի արտաքին զննությամբ բռնության հետքեր չեն հայտնաբերվել, նշանակվել է դիակի դատաբժշկական փորձաքննությունՔԿ. Արաբկիրի գրասենյակում քննչական գործողություններ են, կան ձերբակալվածներ Ըստ որոշ տեղեկությունների, ձերբակալվածների թվում է նաև Արաբկիրի վարչական ղեկավարըՄԻՊ. Պետությունը պարտավոր է ձեռնարկել զինծառայողների կյանքի իրավունքի պաշտպանությանն ուղղված քայլեր Պարզաբանումներ ստանալու նպատակով, գրություններ են ուղարկվել իրավասու պետական մարմիններինԻրավապաշտպան․ 3 զինվորի մահ՝ 18 օրում, պետությունն է պատասխանատու զինվորի կյանքի համար «Դեռ զինվորին հողին չհանձնած, ընտանքը մեղայական խոսքերի փոխարեն լսում էր մեղադրանքներ ու սպառնալիքներ»,–գրել է նա |
