 ՎՐԱՑԻՆԵՐԻ 70 ՏՈԿՈՍԸ ԿՈՂՄ Է ԱՐՏԱՀԱՅՏՎՈւՄ ԱԲԽԱԶԱԿԱՆ ՃԱՆԱՊԱՐՀԻ ԲԱՑՄԱՆԸԱյս մասին են վկայում ամերիկացիների անցկացրած սեցիոլոգիական հարցումների արդյունքները: Վերջերս Թբիլիսիում հրապարակվեցին Վրաստանի քաղաքացիների մեջ անցկացված սոցիոլոգիական ուսումնասիրությունների արդյունքները: Այն իրականացրել էր ԱՄՆ-ի միջազգայաին հանրապետական ինստիտուտը ամերիկյան միջազգային զարգացման գործակալության ֆինանսական աջակցությամբ: Հարցումն ուղղված էր պարզելու վրաց ընտրողների իշխող տրամադրվածությունները սպասվելիք խորհրդարանական ընտրություններին: Հրապարակված արդյունքները անսպասելի էին եւ հիասթափեցրին հարեւանների հետ հակամարտությունների ռազմական լուծման կողմնակիցներին: Գլխավոր անակնկալն այն էր, որ հարցվողների գերակշիռ մեծամասնությունը կողմ էր արտահայտվել Վրաստանը եւ Հայաստանը Ռուսաստանին կապող աբխազական երկաթուղային ճանապարհի վերականգնմանը:  28 հուլիսի 2003PanARMENIAN.Net - Նշենք, որ միամիտ կլիներ կասկածի տակ առնել արդյունքների օբյեկտիվությունը, քանի որ դրանք այնքան էլ հաճելի չէին հենց սոցիոլոգիական հարցման պատվիրատուների համար: Ուսումնասիրությունն իրկանացվել է ամերիկացի հարկատուի միջոցներով, որին դժվար թե ուրախացնի այն փաստը, որ աբխազական երկաթգծի վերականգման Մոսկվայի նախաձեռնությունը Վրաստանում շատ կողմնակիցներ ունի: Հայտնի է, որ Կրեմլի ծրագրերի իրականացումը կհանգեցնի Ռուսաստանից Վրաստանի կախվածությանը: Այսինքն, ակնհայտ է, որ տվյալ դեպքում թվերի «սրբագրման» մասին խոսք լինել չի կարող: Պատահական ընտրության սկզբունքով հարցվել են 1500 մարդ երկրի 10 շրջաններում: Այսպիսով, այսօր արդեն կարելի է հաստատապես ասել, որ Վրաստանի քաղաքացիների շուրջ 70 տոկոսը իսկապես կողմ է Ռուսաստանի հետ երկաթուղային ճանապարհի բացմանը: Ուշադրություն դարձնենք հաղորդակցության վերականգնման կողմնակիցների փաստարկներին: Նրանք, գտնում են, որ սա կնպաստի երկրի տնտեսական վիճակի բարելավմանը եւ կվերականգնի Ռուսաստանի հետ ունեցած երբեմնի բարիդրացիական հարաբերությունները: Ռուսաստանի հետ ուղիղ երկաթուղային հաղորդակցության նպատակահարմարությունն առավել կարեւորվում է` նկատի ունենալով այն, որ հարցվողների 54 տոկոսի կարծիքով, վերջին տարիներին Վրաստանի տնտեսական վիճակը վատթարացել է: Հատկանշական է, որ հարցվողների 80 տոկոսը աբխազական խնդրի լուծումը տեսնում է միայն խաղաղ ճանապարհով, եւ միայն 14 տոկոսն է հնարավոր համարում ուժի կիրառումը, այն էլ խիստ անհրաժեշտության դեպքում: Հրապարակված թվերը հաստատում են, որ աբխազական ճանապարհի վերականգնման գաղափարից հրաժարվելու կոչերով հանդես եկող վրացական քաղաքական գործիչներն իզուր են հենվում համերկրացիների աջակցության վրա: Մասնավորպես խոսքը վերաբերում է Թամազ Նադարեիշվիլուն, որը Աբխազական ավտոնոմիայի Գերագույն Խորհրդի նախագահն էր: Պարոն Նադարեիշվիլին մեկ անգամ չէ, որ հայտարարել է, թե Վրաստանի շահերը բացառում են Ռուսաստանի հետ երկաթուղային ճանապարհների բացումը մինչեւ չլուծվի աբխազական հարցը: Ավելին, ճանապարհի բացման դեպքում Աբխազիան լքած վրացի փախստականների առաջնորդը սպառնում է, որ կդրդի համերկրացիներին ուժային գործողությունների: «Եթե ճանապարհը բացվի, մենք այն կկանգնեցնենք: Անմիջապես կակտիվանան պարտիզանական խմբերը: Մինղրելիի ողջ տարածքով կավելանա լարվածությունը: Փախստականները կփակեն երկաթուղային ճանապարհը»,- ադրբեջանական լրատվամիջոցներից մեկի հետ ունեցած հարցազրույցում հայտարարել է Նադարեիշվիլին: Մինչ վերջերս վրացական արմատականներին հաջողվում էր հասարակությանը թյուրիմացության մեջ գցել` հայտարարելով, թե երկրում մեկուկես միլիոն քաղաքացի պատրաստ է պայքարել աբխազական ճանապարհի վերականգնման դեմ: Ամերիկացիների անցկացրած սոցհարցումը թույլ տվեց պարզել իրական պատկերը: Եթե մինչ այժմ կարելի էր խոսել աբխազական վրացիների առաջնորդների եւ պաշտոնական Թբիլիսիի կոչերի հակասությունների մասին, ապա այժմ արդեն ակնհայտ է, որ Նադարեիշվիլիի հայացքները չի համակրում նաեւ վրացի ընտրողների գերակշիռ մեծամասնությունը:  Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով    Ուշադրության կենտրոնում Բաժնի այլ նյութերը«Խաղի» մեջ վերադառնալու ցանկությամբ  ՌԴ-ն փորձում է չմարգինալացվել ՀՀ-Ադրբեջան բանակցային գործընթացումԴրագոմանների ժամանակը Դեպի արդիականացված արտաքին քաղաքականությունԲարձր պաշտոնից՝ մեղավորի աթոռին 2018-ի «մեղադրյալները» |  Այլ հոդվածներ Վերջին լուրեր Ըմբիշ Գասպար Տերտերյանը՝ Մ20 ԵԱ փոխչեմպիոն, Էրիկ Տեր-Մաթևոսյանը՝ բրոնզե մեդալակիր Նովի Սադում ընթանում է հունահռոմեական ոճի ըմբշամարտի առաջնությունըՔԿ․ Ըստ զորամասի հաղորդման՝ պայմանագրային զինծառայողն իրեն ամրակցված ինքնաձիգից ինքն իրեն պատճառել է հրազենային վնասվածք Դիակի արտաքին զննությամբ բռնության հետքեր չեն հայտնաբերվել, նշանակվել է դիակի դատաբժշկական փորձաքննությունՔԿ. Արաբկիրի գրասենյակում քննչական գործողություններ են, կան ձերբակալվածներ Ըստ որոշ տեղեկությունների, ձերբակալվածների թվում է նաև Արաբկիրի վարչական ղեկավարըՄԻՊ. Պետությունը պարտավոր է ձեռնարկել զինծառայողների կյանքի իրավունքի պաշտպանությանն ուղղված քայլեր Պարզաբանումներ ստանալու նպատակով, գրություններ են ուղարկվել իրավասու պետական մարմիններին |
