ՄԻՆՍԿԻ ԽՄԲՈՒՄ ԱՆՀԱՄԱՁԱՅՆՈՒԹՅՈՒՆՆԵՐ ԿԱՆԱմենայն հավանականությամբ, համանախագահների մոտեցումներում կրկին հակասություններ են առաջացել: Մինսկի խմբի համանախագահների այցը տարածաշրջան թույլ տվեց նկատել, որ որոշակի հակասություններ կան այն երկրների մոտեցումներում, որոնց ԵԱՀԿ-ն վստահել է համակարգել ղարաբաղյան հակամարտության խաղաղ կարգավորման գործընթացը: Բաքվում գտնվելու ժամանակ, համանախագահներից մեկը մյուս համանախագահի հայտարարությանը լրիվ հակառակ արտահայտություն է թույլ տվել: Նման բան չէր եղել 1997թ.-ից ի վեր, երբ անիմաստ էր արդեն թաքցնել ռուսական եւ ամերիկյան դիվանագետների միջեւ առկա լուրջ հակասությունները: Եւ չնայած այսօր հակասություններն առնչվում են միայն տակտիկական հարցերին, ակնհայտ է, որ Մինսկի խմբի համանախագահների միջեւ միասնականության բացակայությունը կարող է ազդել բանակցությունների վերսկսման ընթացքի վրա: ![]() PanARMENIAN.Net - Դեկտեմբերի իննին ադրբեջանական «Էքսպրես» թերթին հարցազրույց տալով` Ֆրանսիան ներկայացնող Մինսկի խմբի համանախագահ Անրի Ժակոլեն ըստ էության կասկածի տակ է դրել այն փաստը, որ Ղարաբաղը հակամարտության ինքնութույն կողմ է: «Անհրաժեշտություն չկա, որպեսզի Ղարաբաղը մասնակցի խաղաղ բանակցություններին` որպես առանձին կողմ»,- հայտարարել է ֆրանսիացի դիվանագետը: «Ես դրա անհրաժեշտությունը չեմ տեսնում, քանի որ Ղարաբաղի հայերը բանակցություններին մասնակցում են Հայաստանի միջոցով: Համոզված եմ, որ բանակցային գործընթացում Հայաստանի եւ Ղարաբաղի դիրքորոշումները համընկնում են: Բացի այդ, հենց ինքը` Ռոբերտ Քոչարյանը, ծագումով ղարաբաղցի է»,- ասել է Անրի Ժակոլեն: Խաղաղարարի այս արտահայտությունը լիովին հակասում է Ռուսաստանի արտաքին գործերի նախարարության դիրքորոշմանը: Պարոն Ժակոլենի անսպասելի ելույթից տառացիորեն մեկ օր առաջ Ռուսաստանի համանախագահ Յուրի Մերզլյակովը Ստեփանակերտում հավաստել է, որ Կրեմլը Ղարաբաղը դիտում է որպես հակամարտության սուբյեկտ: «Լեռնային Ղարաբաղը հակամարտության կողմ է, եւ դա անհնար է ժխտել»,- հայտարարել է նա: Համանախագահի պաշտոնը զբաղեցնող Մերզլյակովին նախորդող Նիկոլայ Գրիբկովն առավել կոնկրետ էր արտահայտվել: «Վաղ թե ուշ ղարաբաղյան կողմը պետք է ներգրավվի բանակցային գործընթացում: Առանց Ստեփանակերտի մասնակցության, առանց Լեռնային Ղարաբաղի շահերը հաշվի առնելու դժվար թե հնարավոր լինի խոսել կարգավորման մասին: Կարծում եմ` բոլորը հասկանում են, որ Լեռնային Ղարաբաղը ոչ թե բանակցությունների օբյեկտ է, այլ` սուբյեկտ»,- հաստատել է ռուսական դիվանագետը: Իսկ Ղարաբաղի հարցով Ռուսաստանի նախագահի նախկին հատուկ ներկայացուցիչ Վլադիմիր Կազիմիրովը նույնիսկ դիվագիտական պաշտոնից հեռանալուց հետո էլ շարունակում է հրապարակումներով հանդես գալ եւ շեշտել բանակցային գործընթացում Լեռնային Ղարաբաղին ներգրավելու կարեւորությունը: «Ստեփանակերտը հակամարտության կողմ ճանաչելու, բանակցություններում նրա մասնակցության դեմ` Ալիեւի դիրքորոշումը տրամաբանական հիմք չունի,- ասում է նա,- Սակայն քանի անգամ ճակատամարտում Բաքուն փորձել է ուղիղ կապեր հաստատել Ստեփանակերտի հետ, ձեւակերպել է հրադադարի պայմանագրեր, անվանել նրան փաստաթղթի կողմ..»: Պարոն Կազիմիրովի կարծիքով, բանակցությունները եռակողմ կազմով վերսկսելու` Բաքվի անհամաձայնությանն ընդառաջ գնալու համանախագհների զիջումները «դատապարտված են նրան, որ Հայաստանի եւ Ադրբեջանի ներկայացուցիչների հանդիպումները բանակցային գործընթացի ակտիվացման իմիտացիա կստեղծեն միայն»: Պարոն Ժակոլենի հայտարարությունը ոչ միայն հակասում է մյուս համանախագահների արտահայտություններին, այլեւ` միջազգային չափանիշներին, քանի որ Լեռնային Ղարաբաղը հակամարտության ինքնուրույն կողմ է ճանաչվել մի շարք պաշտոնական փաստաթղթերով: Հայտնի է, որ 1994թ.-ի խաղաղության համաձայնագիրը ստորագրվել է Հայասատանի, Ադրբեջանի եւ Լեռնային Ղարաբաղի հանրապետությունների պաշտպանության նախարարների կողմից: ԼՂՀ-ի առաջնորդների հետ միասին բանակացային սեղանի շուրջ է նստել նաեւ Ադրբեջանի խորհրդարանի ղեկավարը, ում ստորագրությունը դրված է Բիշկեքյան համաձայնագրի տակ: Փաստաթուղթը հաստատում է, որ Ադրբեջանը Լեռնային Ղարաբաղին դիտում է որպես հակամարտության ինքնուրույն կողմ: Եվ վերջապես, ԵԱՀԿ-ի բուդապեշտյան գագաթաժողի ժամանակ հստակեցված համանախագահների առաքելությունը նախատեսում է բանակցություններ երեք կողմերի միջեւ` Երեւանի, Բաքվի եւ Ստեփանակերտի: Զարմանալի է, որ պարոն Ժակոլեն մոռացել է այդ մասին: Ամենայն հավանականությամբ, դիվանագետին պետք է հիշեցնել, որ նրա գործողությունները դուրս են գալիս այն լիազորությունների շրջանակներից, որոնք նրան տրվել են Եվրոպայի անվտանգության եւ համագործակցության կազմակերպության կողմից: ![]() ![]() ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով ![]() ![]() ![]() «Խաղի» մեջ վերադառնալու ցանկությամբ ![]() Դրագոմանների ժամանակը ![]() Բարձր պաշտոնից՝ մեղավորի աթոռին ![]() | ![]() ![]() ![]() ![]() ![]() ![]() ![]() ![]() |