ՀՆԱՐԱՎՈՐ Է` ՀՈՒՅՆԵՐԸ ԶԻՋԵՆ «ԱՐՄԵՆՏԵԼԻ» ՎԵՐԱՀՍԿՈՂՈՒԹՅՈՒՆԸ

PanARMENIAN.Net - Ակնհայտ է, որ կոմունիստների հետ սոցիալիստների հաջողության հասած ոչֆորմալ միավորումը չի կարող պահպանողականներին խանգարել ինքնուրույն ձեւավորելու նախարարների կաբինետոը: Նոր կառավարությունն առավել աջ կլինի, քան նախորդը: Սա նշանակում է, որ կրկին կառաջանա կապի եւ էներգետիկայի ոլորտում գործող խոշոր ընկերությունների պետական բաժնեմասերի վերաբաշխման հարցը: Հունաստանը լուրջ տնտեսական ճգնաժամի մեջ է, որի հաղթահարման ճանապարհը դեմոկրատները տեսնում են համընդհանուր սեփականաշնորհման մեջ: Դեռեւս ընտրություններից առաջ կուսակցության առաջնորդները չէին թաքցնում, որ իշխանության գալով կպնդեն երկրի հեռահաղորդակցության ոլորտի խոշորագույն ընկերության` «ՕՏԵ»-ի կառավարական բաժնեմասի վաճառքի մեջ: ՕՏԵ-ն ժամանակին պետական ձեռնարկություն էր, սակայն 90-ականների սկզբին ընկերության բաժնետոմսերի 65 տոկոսը վաճառվեց: Սակայն կառավարությունը շարունակում է մնալ խոշորագույն փաթեթի տերը եւ բաժնետերերի Խորհրդի որոշումների վրա ազդելու մեխանիզմներ ունի:

ՕՏԵ-ի բաժնետոմսերի կառավարությանը պատկանող փաթեթը, հնարավոր է, վաճառքի հանվի արդեն այս տարում: Ենթադրվում է, որ ընկերության լիարժեք սեփականաշնորհման գործընթացը կտեւի ութից ինը ամիս: Այդպիսով, արդեն հաջորդ տարվա կեսին «ԱրմենՏելը» կունենա մեկ այլ խոշոր բաժնետեր, որի նկրտումների հետ ստիպված կլինենք հաշվի նստել, քանի որ նրան կպատկանի բաժնետերերի խորհրդի ձայների մեկ երրորդը: Արդեն հայտնի է` ով է հավակնում դառնալ ՕՏԵ-ի բաժնետոմսերի կառավարական մասի տերը: Հեռահաղորդակցական ընկերության բաժնետոմսերի հանդեպ հետաքրքրություն են ցուցաբերում «France Telecom», «Telecom Italia», բրիտանական «Cable&Wireless», եւ նույնիսկ, Ադրբեջանում խոշորագույն օպերատոր համարվող եւ Վրաստանում գործող թուրքական «TurkCell» ընկերությունները:

ՕՏԵ-ի բաժնետմոսերի խոշորագույն փաթեթի նոր սեփականատերը ստիպված կլինի որոշում ընդունել հեռահաղորդակցության հայկական շուկայում գործելու նպատակահարմարության մասին: ՕՏԵ-ի ներկայիս ղեկավարությունը «ԱրմենՏԵլի» բաժնետոմսերի վաճառքի հնարավորության հիքմն արդեն իսկ դրել է: Անցյալ տարվա աշնանն այդ թեմայով բանակացություններ էին սկսվել ռուսական «Ռոստելեկոմ» ընկերության հետ: Բանակցությունները կանգնեցվեցին հենց սպասվելիք ընտրությունների պատճառով, իսկ սեփականաշնորհումից հետո կարող է վերսկսվեն:

Սակայն «ԱրմենՏելում» փոփոխություններն, ամենայն հավանականությամբ, կսկվեն մինչ ապապետականացման գործընթացը: Հնարավոր է, որ սեփականաշնորհման գործընթացի վրա լիարժեք վերահսկողություն ունենալու համար Հունաստանի կապի նոր նախարարը ցանկանա փոխել ՕՏԵ-ի ղեկավարությանը եւ իր մարդկանց նշանակել: (Այդ հնարավորությունները նա ունի): Իսկ դա էլ իր հերթին կհանգեցնի «ԱրմենՏելի» ղեկավարության փոփոխությանը: Այնպես որ, բջջային կապի մենաշնորհից ընկերությանը զրկելու պայմանները, ամենայն հավանականության, կքննարկվեն նոր մարդկանց հետ: Իսկ ընկերության գլխավոր գործադիր տնօրեն Գեորգիուս Վասիլակիսն, ամենայն հավանականությամբ, պետք է սկսի ճամպրուկները հավաքել: