ՊՐԱՀԱՅԻՑ ՀԵՏՈ ԿԱՐՈՂ Է ՍԿՍՎԵԼ ՆՈՐ ՓՈՒԼ ՂԱՐԱԲԱՂՅԱՆ ԿԱՐԳԱՎՈՐՄԱՆ ՀԱՄԱՐՀայաստանի արտաքին գործերի նախարարը զգուշավոր լավատեսություն է ցուցաբերում Պրահայում սկսվել է ղարաբաղյան հակամարտության կարգավորման հարցերով Հայաստանի եւ Ադրբեջանի արտաքին գործերի նախարարների խորհրդատվության հերթական փուլը: Ինչպես եւ նախորդ երկու հանդիպումները, այնպես էլ այս մեկն անցնում է ԵԱՀԿ Մինսկի խմբի համանախագահների միջամտությամբ: Վարդան Օսկանյանը եւ Էլդար Մամեդյարովը հուսով են, որ Չեխիայի մայրաքաղաքում հնարավոր կլինի հիմքեր ստեղծել բարձրագույն մակարդակով բանակցություններ վարելու համար: ![]() PanARMENIAN.Net - Բանակցությունների բովանդակության մասին քիչ բան է հայտնի: Բաքվի լրատվամիջոցները, հղում կատարելով Ադրբեջանի ԱԳՆ-ի մամլո ծառայությանը, հայտնում են, որ հանդիպումից առաջ կողմերը պայմանավորվածություն են ձեռք բերել ոչինչ չհրապարակել: Սակայն, որոշակի տեղեկատվություն այնուամենայնիվ հայտնի է: Հայաստանի արտաքին գործերի նախարար Վարդան Օսկանյանի խոսքերով, Պրահայում քննարկվելու են կողմերի մոտեցումների «համաձայնեցման» մեթոդները: «Կարծես թե գծագրվում է դրանց համատեղման պատկերը»,- ասել է նախարարը: Շատ վերլուծաբաններ այս հայտարարությունը որակել են որպես որոշակի առաջընթացի վկայություն: Վարդան Օսկանյանը զգուշավոր լավատեսություն է ցուցաբերել` հույս հայտնելով, որ երրորդ հանդիպումը կդառնա բանակցությունների այս փուլի տրամաբանական ավարտը: Եթե նրա սպասելիքներն իրականանան, ապա հաջորդ հանդիպումը կընթանա երկու երկրների նախագահների միջեւ: Ամենայն հավանականությամբ, «դիրքորոշումների համատեղման գծագիրն» էլ հենց եղել է միջնորդների վերջին առաջարկի հիմքը: Հիշեցնենք, որ նախկինում ռուս համանախագահ Նիկոլայ Գրիբկովը եւ ադրբեջանական նախարար Էլդար Մամեդյարովը հայտարարել են, որ քննարկման առարկան միջնորդների առաջարկած «նոր գաղափարներն են», որոնք ներառում են նախկինում քննարկված կարգավորման տարբերակների էլեմենտներ: Ըստ էության, խոսքը գնում է Հայաստանի եւ Լեռնային Ղարաբաղի կողմից հավանության արժանացած փաթեթային տարբերակի եւ Ադրբեջանի պնդած փուլային տարբերակի համատեղման մասին: Առայժմ չեն հաստատվել տեղեկություններն այն մասին, թե «միջանկայլ» տարբերակով նախատեսվում է առաջին փուլում Ադրբեջանին վերադարձնել ղարաբաղյան ուժերի վերահսկողության տակ գտնվող «անվտանգության գոտու» երեք շրջաններ: Չի կարելի բացառել այն, որ Պրահայի հանդիպման ժամանակ կքննարկվի նաեւ այս գաղափարը: Ինչպես հայտնի է, միջնորդները Երեւանի եւ Բաքվի հետ չեն համաձայնեցրել հանդիպման օրակարգը: Ինչպես եւ նախորդ անգամ, յուրաքանչյուր կողմ իրավունք ունի հանդես գալ ցանկացած նախաձեռնությամբ: Այնպես որ, երեք շրջանների վերադարձի հարցը կարող է առաջարկվել ինչպես Ադրբեջանի, այնպես էլ միջնորդների կողմից: Սակայն դա դեռեւս չի նշանակում, որ այդ հարցը կդառնա լուրջ քննարկման առարկա: Օրերս Ադրբեջանի նախագահի աշխատակազմի արտաքին քաղաքականության բաժնի ղեկավար Նովրուզ Մամեդովը անուղղակիորեն հաստատեց պաշտոնական Բաքվի հետաքրքրությունը Մինսկի խմբի ամերիկյան համանախագահ Սթիվեն Մաննին վերագրվող գաղափարի հանդեպ: Մամեդովի խոսքերով, Բաքվում ճիշտ են համարում այն, որ տարածքային հարցերն աստիճանաբար լուծվեն: «Տրաբանական է սկսել առաջին, երկրորդ, երրորդ շրջանների ազատագրումից»,- ասել է Ալիեւի վարչակարգի բարձրաստիճան աշխատակիցը` միաժամանակ չմասնավորեցնելով, թե փոխարենը ինչ կստանա ղարաբաղյան կողմը: Մամեդովի խոսքերից կարելի է ենթադրել, որ առաջին փուլում Ադրբեջանը կցանկանար վերահսկողություն հաստատել երեք «գրավված շրջանների հանդեպ, երկրորդ փուլում` եւս չորսի, իսկ երրորդում` ամբողջ Ղարաբաղի: Ղարաբաղի մասին խոսակցությունն առանձին է եւ կտարվի կարգավիճակի հստակեցման շրջանակներում: Այստեղ հատկանշական է մեկ այլ մանրամասնություն: Մամեդովի հավաստմամբ, պաշտոնական Բաքուն յոթ գրավված տարածք է հաշվարկում: Միաժամանակ, հայտնի է, որ ղարաբաղյան զինված ուժերը հսկում են ԼՂՀ-ից դուրս վեց շրջան: Դրանք են Ֆիզուլին, Ջեբրաիլը, Զանգելանը, Աղդամը, Քելբաջարը եւ Լաչինը: Դժվար չէ գլխի ընկնել, որ յոթերորդ գրավված տարածքի մասին խոսելիս` Նովրուզ Մամեդովը նկատի ունի Շուշին: Եվ սա այն դեպքում, երբ Ադրբեջանը չի էլ պատրաստվում քննարկել ԼՂՀ-ի Շահումյանի շրջանի, ինչպես նաեւ նրանց կողմից զավթած Հադրութի եւ Մարտունու շրջանների եւ Հայաստանի Տաուշի մարզի Արծվաշենի ազատագրման ժամկետները: ![]() ![]() ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով ![]() ![]() ![]() «Խաղի» մեջ վերադառնալու ցանկությամբ ![]() Դրագոմանների ժամանակը ![]() Բարձր պաշտոնից՝ մեղավորի աթոռին ![]() | ![]() ![]() ![]() ![]() ![]() ![]() ![]() ![]() |