Բաքու-Թբիլիսի-Ջեյհան նավթամուղի հրդեհը դեռեւս հանգցված չէ եւ կարող է տեւել եւս մի քանի օր: Թուրքական կողմի հաղորդումների համաձայն վերանորոգման աշխատանքները կշարունակվեն մինչեւ օգոստոսի 14-ը: Փաստորեն կատարվում է այն, ինչի մասին բազմիցս ասվել էր. նավթամուղը վտանգավոր գոտով է անցնում եւ հնարավոր են ահաբեկչություններ: Նավթամուղի անվտանգությունը ապահովելու մասին Ադրբեջանի եւ Թուրքիայի բոլոր վստահեցումները կասկածի տակ են առնված:

Թուրքիայի Սահմանադրական դատարանի արդարացնող որոշումը իշխող Արդարության եւ զարգացման կուսակցությունն արգելելու մասին հայտով, հանգստություն չբերեց Թուրքիայի ներքաղաքական դաշտ: Գյուլ-Էրդողան կուսակցությունը հրաշքով պահպանվեց, սակայն ոչ մի երաշխիք չկա, որ Թուրքիային հանդարտ ժամանակներ են սպասում: Հակառակը, գեներալ Իլքեր Բաշբուղի նշանակումը Թուրքիայի Գլխավոր շտաբի պետի պաշտոնում կարող է միայն արագացնել ճգնաժամը երկրում:

Հայաստանի եւ Ադրբեջանի ԱԳՆ ղեկավարների Մոսկվայում կայացած հանդիպումից հետո ԵԱՀԿ ՄԽ ամերիկացի համանախագահ Մեթյու Բրայզան մի սենսացիոն հայտարարություն արեց: «Լեռնային Ղարաբաղի բնակիչները իրենք կորոշեն, անցնել Ադրբեջանի իրավասության տակ թե անկախություն ստանալ: Հանրաքվե կանցկացվի, որի միջոցով էլ իրենք ղարաբաղիցները որոշում կկայացնեն»,-ասել է Բրայզան լրագրողներին:

ԱՄՆ Սենատի արտաքին հարաբերությունների կոմիտեն հավանություն է տվել Մարի Յովանովիչի թեկնածությանը Հայաստանում ԱՄՆ դեսպանի պաշտոնի համար: Սենատորները հավանություն են տվել թեկնածությանը ԱՄՆ Պետդեպարտամենտի հարցերին գրավոր պատասխաններից հետո Օսմանյան կայսրությունում Առաջին աշխարհամարտի տարիներին հայերի զանգվածային սպանությունների մասին: Քվեարկությունը անուն առ անուն էր, սենատոր Բոքսերը դեմ հանդես եկավ, սակայն չօգտագործեց վետոյի իրավունքը: Վերջնական որոշումը դեպսանի թեկնածության առումով կընդունվի Սենատի օգոստոսյան նստաշրջանին, որը պետք է վերջնականապես հաստատի Մարի Յովանովիչին:

Թուրքիան հերթական անգամ կանգնած է ցնցումների առջեւ: «Էրգենեկոնի» անդամների ձերբակալություններին եւ ՍԴ-ում իշխող Ազատության ու զարգացման կուսակցությունն արգելելու մասին լսումներին հավելվեցին պայթյունները Ստամբուլում: ԱԶԿ-ի համար իրավիճակը սպառնալից է դառնում, եթե հաշվի առնենք այն, որ ահաբեկչական գործողությունները կարող են կրկնվել: Օրերս վարչապետ Ռեջեփ Էրդողանը հայտարարել է, որ չի բացառում վաղաժամկետ խորհրդարանական ընտրությունների հնարավորությունը, այսինքն անուղղակիորեն խոստովանեց, որ ՍԴ-ն կարող է արգելել կուսակցությունը:

Կրկին, որերորդ անգամ սրվել է իրավիճակը Ջավախքում: Եվ կրկին Հայաստանը սահմանափակվում է հարմար ձեւակերպումներով` Հայաստանի ԱԳՆ-ն ուշադիր հետեւում է իրավիճակին: Մինչ այժմ ոչ ոք չի տիրապետում իրական տեղեկատվությանը, իսկ այնտեղ մարդիկ են զոհվում, Ջավախքի հայությունը լիակատար արտաքսման եզրին է: Հայաստանի համար դա նշանակում է, որ հյուսիսային սահմանը եւս կվերցվի թուրք-ազերիական վերահսկողության տակ:

Ռուսական Moscow Defence Brief ամսագիրը հրապարակել է 2000-2007թթ. Ադրբեջանի կողմից ձեռք բերված ռազմական տեխնիկայի ցուցակը: Ինչ խոսք, ցուցակը բավականին տպավորիչ է եւ այնպիսի տպավորություն է ստեղծվում, որ Ադրբեջանը պատրաստվում է կռվել գրեթե ողջ տարածաշրջանի դեմ: Ադրբեջանի պաշտպանության նախարարությունը շտապեց հանդես գալ հերքումով, բնականաբար, ամեն ինչ գցելով «հայերի մեքենայությունների» վրա:

Հավանաբար, ամերիկյան դիվանագիտությունն առաջին հաջողություններն է արձանագրում Հարավային Կովկասում` բանակցություններ են սկսվել, ճիշտ է, առայժմ գաղտնի, հայ-թուրքական հարաբերությունների կարգավորման շուրջ: Ինչպես սովորաբար, տեղեկատվության արտահոսք եղավ թուրքական մամուլից, ինչն ավելորդ անգամ հաստատում է, որ Անկարան, չնայած սեփական քաղաքականություն վարելու իր իրավունքի մասին հայտարարություններին, այնուամենայնիվ, լսում է ԱՄՆ-ին:

Ահագնացող էներգետիկ ճգնաժամի պայմաններում, որը կապված է նավթի եւ գազի կտրուկ թանկացման, ինչպես նաեւ Արեւմուտքում տնտեսական անկման հետ, ՎՈՒԱՄ-ի երկրները որոշել են ակտիվացնել իրենց քաղաքական գործունեությունը, հերթական անգամ «սաեռցված հակամարտությունների» մասին բանաձեւ ներկայացնելով ՄԱԿ: Բնականաբար, դա արվեց Ադրբեջանի հրահրմամբ, որը կազմակերպությունում առաջին դերն է ստանձնել բացառապես իր հումքային հարստությունների շնորհիվ: Վրաստանն ու Ուկրաինան կարող են տարանցիկ երկրներ դառնալ դեպի Եվրոպա ադրբեջանական գազի առաքման համար, իսկ Մոլդովան...Մոլդովայի հարցը մի փոքր այլ է:

ԱՄՆ Սենատի Արտաքին կապերի հանձնաժողովում Հայաստանում ԱՄՆ դեսպանի թեկնածու Մարի Յովանովիչի նշանակման հարցով քվեարկության արդյունքները բավական բարդ է կանխորորշել: Եթե կիսել ԱՄՆ-ի հայ համայնքի տեսակետը ի դեմս Ամերիկայի Հայ Դատի Հանձնախմբի (ANCA), ապա ներկա վարչակազմի դեպքում Հայաստանում չի լինի ԱՄՆ դեսպան: «Մեզ անհանգստացնում են Մարի Յովանովիչի խուսափողական պատասխանները, այն, որ նա կտրականապես հրաժարվեց որեւէ ընդունելի հիմնավորումներ տալ ԱՄՆ վարչակազմի սխալ քաղաքականությանը Հայոց ցեղասպանության հարցումե,- հայտարարել է ANCA-ի գործադիր տնօրեն Արամ Համբարյանը»,- հայտարարել է ANCA-ի գործադիր տնօրեն Արամ Համբարյանը: