Անկարան ցանկանում է բացառել «ցեղասպանություն» տերմինի կիրառումը 1915 թվականի իրադարձությունների առնչությամբ27 հուլիսի 2007 - 13:58 AMT PanARMENIAN.Net - «Թուրքիայի վարչապետ Ռեջեփ Էրդողանի այսպես կոչված «գաղտնի օրենքի» նպատակն է «ցեղասպանություն» տերմինի բացարձակ բացառումը 1915 թվականի իրադարձությունների առնչությամբ»,- PanARMENIAN.Net ի թղթակցին հայտարարել է ՀՅԴ Դաշնակցության Գերագույն մարմնի ներկայացուցիչ, ՀՀ ԱԺ արտաքին հարաբերությունների մշտական հանձնաժողովի նախագահ Արմեն Ռուստամյանը: Նրա խոսքերով, ոչ մի այլ բան այդ օրենքում չկա: «Հասկացությունների փոփոխումը տվյալ դեպքում չի վերաբերում հարցի էությանն ու Թուրքիայի դիրքորոշմանը Հայոց ցեղասպանության ճանաչման հարցում»,- ընդգծել է Ռուստամյանը:Իր հերթին, PanARMENIAN.Net ի թղթակցի հետ զրույցում Հայոց ցեղասպանության ինստիտուտի տնօրեն Հայկ Դեմոյանը նշել է, որ Էրդողանը ոչ մի նոր բան չի ասել: «Ինչ տարբերություն` ինչպես անվանել, էությունը դրանից չի փոխվում: Ընդհանրապես, լուրջ ակադեմիական մակարդակներում անկրթություն է համարվում Հայոց ցեղասպանության փաստը չճանաչելը: Դա պատմական փաստ է, ինչպես էլ Անկարան փորձի այն ներկայացնել: Թուրքիայի վարչապետի հայտարարությունը բացառապես ներքին օգտագործման համար է»,- ասել է Դեմոյանը: Հիշեցնենք, որ Թուրքիայի վարչապետ Ռեջեփ Էրդողանը հուլիսի 3-ին գաղտնի օրենք է ստորագրել (N 2007-18), որով արգելվում է օգրագործել «sozde» բառը («ենթադրվող», «այսպես կոչված»- թուր.) Հայոց ցեղասպանության նկատմամբ: Էրդողանի օրենքի համաձայն, այսուհետ Հայոց ցեղասպանությունը պաշտոնական փաստաթղթերում եւ հասարակությանը պետք է ներկայացվի որպես «1915 թվականի իրադարձություններ» կամ «հայկական պնդումներ 1915 թվականի իրադարձությունների վերաբերյալ»: Ուշագրավ Նա ասել է, որ այդ հարցը ճիշտ չէ փոխկապակցել խաղաղության պայմանագրի ստորագրման հարցի հետ
«Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Ամենաընթերցվողը բաժնում | Fastex-ը Երևանում է հյուրընկալում 5-րդ Harmony Meetup-ի web3 մասնագետներին Պանելային քննարկումների կարմիր թելը «կենտրոնացած է ապակենտրոնացման» վրա Ակբա Լիզինգը գլխամասային նոր գրասենյակ ունի Գլխամասային գրասենյակն ունի անհատական ավտոկայանատեղի, գործնական հանդիպումների համար սրահներ Բաքուն «անհիմն և անարդար» է անվանել ԵԽ Խոշտանգումների կանխարգելման կոմիտեի հայտարարությունը Ըստ Բաքվի՝ Կոմիտեն աննախադեպ որոշում է կայացրել՝ հրապարակելով զեկույցն առանց Ադրբեջանի համաձայնության Ucom-ի գլխավոր տնօրենը մասնակցել է Silicon Mountains Shirak տեխնոլոգիական ֆորումին Յիրիկյանի ելույթի թեման էր «Մարդկայինը կամ թվայինը, ո՞րն է առաջնահերթ» |