  Մեթյու Բրայզա. Առաջիկայում ղարաբաղյան գործընթացում առաջընթացի ակնկալիքներ չկան30 հուլիսի 2007 - 19:28 AMT PanARMENIAN.Net - Կոսովոյի խնդրի լուծումը ունիվերսալ չէ մյուս հակամարտությունների, մասնավորապես ԱՊՀ տարածքում, կարգավորման համար: Այդ մասին Երեւանում լրագրողներին է հայտարարել ԱՄՆ Պետքարտուղարի Եվրոպայի եւ Եվրասիայի հարցերով օգնական, ԵԱՀԿ ՄԽ ամերիկացի համանախագահ Մեթյու Բրայզան: Ըստ նրա, յուրաքանչյուր հակամարտություն եզակի է եւ նրանց միջեւ զուգահեռներ անցկացնելը սխալ կլիներ: «Ես կարծում եմ, որ ՌԴ իշխանությունները չեն համաձայնվի Կոսովոյի անկախության անհապաղ հռչակմանը: ԱՄՆ-ի արտաքին քաղաքականության նպատակն է բանակցությունների միջոցով փոխզիջման եւ համաձայնության հասնել կարգավորման շուրջ: Դա վերաբերում է նաեւ Կոսովոյի խնդրին: Ճիշտ է, ես պետք է ընդգծեմ, որ ներկայումս Լեռնային Ղարաբաղը առավել մոտ է կանգնած Հելսինկյան համաձայնություններին եւ առավել պատրաստ է բանակցությունների քան ԱՊՀ մյուս չճանաչված հանրապետությունները: Եվ ես գտնում եմ նաեւ, որ Աբխազիայի հակամարտության լուծման համար պետք է ստեղծել միջնորդների խումբ ԵԱՀԿ ՄԽ նմանությամբ»,-ասել է Բրայզան: Նա նաեւ նշել է, որ Կոսովոյի վերաբերյալ որոշումը չի կարող կանխորոշել տարածքային ամբողջականության եւ ազգերի ինքնորոշման իրավունքի գերակայության մասին հարցը: «Տարածքային ամբողջականության հարցին հարկավոր է շատ զգույշ մոտենալ»,-ասել է Բրայզան: Նա նշել է նաեւ, որ առաջիկայում ղարաբաղյան գործընթացում առաջընթացի ակնկալիքներ չկան: «Հայաստանում եւ Ադրբեջանում կայանալիք նախագահական ընտրությունները չեն կարող կառուցողական բան ներմուծել: Իսկ այն, որ ես ասում էի թե լուծումը մոտ է, չի նշանակում, որ ղարաբաղյան հակամարտությունը կարող է շուտափույթ լուծում ստանալ: Հայաստանի եւ Ադրբեջանի նախագահների Սոչիում կայացած վերջին հանդիպումը հաստատում է դա»,-ասել է Բրայզան: Նա նշել է, որ օգոստոսի 2-ին ԵԱՀԿ ՄԽ համանախագահների Մոսկվայում կայանալիք հանդիպմանը կքննարկվեն որոշ նոր գաղափարներ:   Ուշագրավ Նա ասել է, որ այդ հարցը ճիշտ չէ փոխկապակցել խաղաղության պայմանագրի ստորագրման հարցի հետ «Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել»   Ամենաընթերցվողը բաժնում |  Բաժիններ թեմայով Սյուժե Վերջին լուրեր «Շիրակ» օդակայանում ռումբի մասին ահազանգ է ստացվել․ ՆԳՆ–ն ստուգում է  Տեղում ոստիկանական և փրկարարական խմբեր են աշխատումFastex-ը 230,000 FTN-ով է պարգևատրել հայկական սպորտի 103 ներկայացուցչի FTN-ը Բահամուտ բլոկչեյնի հիմնական թվային ակտիվն էԱլիև․ Խաղաղության պայմանագրի ստորագրման կարևորագույն պայմանը ՀՀ սահմանադրության փոփոխությունն է «Քանի դեռ դա տեղի չի ունեցել, խաղաղության պայմանագիր չի ստորագրվի»,–ասել է նաԴատարանը վճռել է Ծառուկյանի աղջկանից և փեսայից բռնագանձել մոտ 1.3 մլրդ դրամ և գույք Գուլոյան ընտանիքից պետականացման է ենթակա մեկ բնակելի տուն և մեկ հողամաս Կոտայքի մարզում |
