  Լեռնային Ղարաբաղի ժողովուրդը նվաճել է ազատ, անկախ ապրելու իր իրավունքը, հայտարարել է ՀՀ նախագահը29 ապրիլի 2008 - 16:26 AMT PanARMENIAN.Net - Հայաստանի նախագահ Սերժ Սարգսյանն այսօր ընդունել է Հայաստանում Բուլղարիայի արտակարգ եւ լիազոր դեսպան Թոդոր Ստայկովին, հաղորդում է ՀՀ նախագահի մամլո ծառայությունը: Նա Հանրապետության նախագահին փոխանցել է Բուլղարիայի նախագահ Գեորգի Պրվանովի շնորհավորական ուղերձը եւ այդ երկիր պաշտոնական այց կատարելու հրավերը: Սերժ Սարգսյանը կարեւորել է Բուլղարիայի հետ ինչպես ավանդական գործընկերային հարաբերությունների զարգացումն, այնպես էլ` փոխգործակցությունը եվրոպական քաղաքականության շրջանակում: Բարձր գնահատելով հայ-բուլղարական քաղաքական երկխոսության մակարդակը, Հանրապետության նախագահն ասել է, որ տնտեսական կապերը դեռեւս զիջում են քաղաքականին եւ առաջնային է դիտել տնտեսության բնագավառում ակտիվ գործակցության ծավալումը: Կողմերը կարեւորել են համատեղ միջկառավարական հանձնաժողովի արագ ձեւավորումը եւ աշխատանքի վերսկսումը:Հանդիպմանն անդրադարձ է եղել նաեւ ղարաբաղյան հակամարտության կարգավորման գործընթացին, Ադրբեջանի կողմից պարբերաբար հնչող ռազմատենչ հայտարարություններին: Ըստ Սերժ Սարգսյանի, անդամակցելով Եվրախորհրդին, Հայաստանը եւ Ադրբեջանը պարտավորվել են վիճելի բոլոր հարցերը լուծել խաղաղ ճանապարհով: Նա միաժամանակ ասել է, որ Լեռնային Ղարաբաղի ժողովուրդը նվաճել է ազատ, անկախ ապրելու իր իրավունքը, եւ ժողովրդի ինքնորոշման բնական իրավունքի հետ հաշվի չնստել հնարավոր չէ:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
