ՆԱՏՕ-ն կշարունակի աջակցել բարեփոխումների իրականացմանը Հայաստանում28 մայիսի 2008 - 19:05 AMT PanARMENIAN.Net - Մայիսի 28-ին Բրյուսելում գտնվող ՀՀ Արտաքին գործերի նախարար Էդվարդ Նալբանդյանը եւ պաշտպանության նախարար Սեյրան Օհանյանը մասնակցեցին 26+1 (ՆԱՏՕ-ի անդամ երկրներ + Հայաստան) ձեւաչափով Հյուսիս-ատլանտյան խորհրդի նիստին: Այդ մասին հաղորդում է ՀՀ ԱԳՆ մամռո ծառայությունը:ՆԱՏՕ-ի անդամ երկրների դեսպանների մասնակցությամբ խորհրդի նիստին քննարկվեց Հայաստան-ՆԱՏՕ անհատական գործընկերության գործողությունների ծրագրի (ԱԳԳԾ) իրականացման գնահատաման փաստաթուղթը: Ելույթներով հանդես եկան ԱԳ նախարար Էդվարդ Նալբանդյանը եւ պաշտպանության նախարար Սեյրան Օհանյանը: Նախարար Նալբանդյանն իր ելույթում նշեց, որ Հայաստանը կարեւորում է ԱԳԳԾ-ն որպես Դաշինքի հետ համագործակցության առաջնորդող ձեւաչափ: Հայաստանի արտգործնախարարության ղեկավարը ՆԱՏՕ-ի անդամ երկրների դեսպաններին ներկայացրեց Եվրոպական կառույցների հետ Հայաստանի համագործակցությունը, Լեռնային Ղարաբաղի հիմնախնդրի կարգավորման գործընթացը` վերահաստատելով Հայաստանի դիրքորոշումը խնդիրը բանակցությունների միջոցով լուծելու վերաբերյալ: Անդրադառնալով հայ-թուրքական հարաբերությունների կարգավորմանը, նախարար Նալբանդյանը ընդգծեց, որ Հայաստանը պատրաստ է առանց նախապայմանների կարգավորել հարաբերություները իր հարեւանի հետ, ինչը նաեւ բխում է ԱԳԳԾ-ում ամրագրված դրույթներից: Պաշտպանության նախարար Սեյրան Օհանյանը իր ելույթում ներկայացրեց պաշտպանության բնագավառում բարեփոխումների ընթացքը, ռազմական անվտանգության ռազմավարական վերանյման ոլորտում ձեռնարկվելիք քայլերը, փոխգործունակ կարողությունների զարգացման ուղղված միջոցառումները: Նախարար Օհանյանը անդրադարձ կատարեց նաեւ պաշտպանական բնագավառի օրենսդրական փոփոխություններին: ՆԱՏՕ-ի անդամ երկրների դեսպանները իրենց ելույթներում նշեցին, որ Հայաստանը նախատեսված ժամկետներում կատարել է ԱԳԳԾ-ով համաձայնեցված նպատակները եւ իրենց երկրների անունից պատրաստակամություն հայտնեցին շարունակելու աջակցել Հայաստանին բարեփոխումների գործընթացին: Գնահատման արդյունքների հիման վրա կձեռնարկվեն քայլեր Հայաստան-ՆԱՏՕ ԱԳԳԾ-ում համապատասխան լրամշակում կատարելու նպատակով: Ուշագրավ Նա ասել է, որ այդ հարցը ճիշտ չէ փոխկապակցել խաղաղության պայմանագրի ստորագրման հարցի հետ
«Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Ամենաընթերցվողը բաժնում | Փլուզվել է Խոտ-Որոտան այլընտրանքային ճանապարհի մի հատվածը Սելավը վնասել է նաև բնակավայրի խմելու ջրի խողովակները Երևանում և մարզերում քամուց վնասվել են տանիքների ծածկեր, թիթեղներ, տապալվել ծառեր Վնասվել են էլեկտրական լարեր, ավտոմեքենաներ, փակվել ճանապարհներ ԵԽԽՎ-ն բանաձևով հավանություն է տվել խաղաղության գործընթացին և կոչ արել Բաքվին ազատել բոլոր հայերին Վեհաժողովը գոհունակությամբ արձանագրել է, որ ոստիկանական ուժերի հետ բախումը չի հանգեցրել զոհերի Ջեյմս Օ՛Բրայենը կայցելի Բաքու՝ աջակցություն հայտնելու ՀՀ-Ադրբեջան խաղաղության պայմանագրի կնքմանը Նշվում է, որ նա նաև հանդիպելու է քաղաքացիական հասարակության ներկայացուցիչների հետ |