  Հայաստանը մեծապես կարեւորում է հարաբերությունների ընդլայնումը Եվրամիության հետ27 հոկտեմբերի 2008 - 20:10 AMT PanARMENIAN.Net - Հայաստանի նախագահ Սերժ Սարգսյանն այսօր ընդունել է Հարավային Կովկասում Եվրոպական Միության հատուկ ներկայացուցիչ Պիտեր Սեմնեբիին, հաղորդում է նախագահի մամլո ծառայությունը: Հանրապետության նախագահն ասել է, որ Հայաստանը ձգտում է էլ ավելի մերձենալ Եվրոպային, կարեւորում է Եվրամիության հետ հարաբերությունների ընդլայնումը եւ այդ ճանապարհին ակնկալում է ԵՄ աջակցությունն ու օժանդակությունը: Իր հերթին Պիտեր Սեմնեբին նշել է, որ նախագահ Սարգսյանի առաջիկա այցը Բրյուսել հնարավորության կտա գնահատել հարաբերությունները եւ ուրվագծել փոխգործակցության ընդհանուր օրակարգ:Հանրապետության նախագահն ու դեսպան Սեմնեբին խոսել են նաեւ տարածաշրջանային զարգացումների, ղարաբաղյան հիմնախնդրի կարգավորման գործընթացի, հայ-թուրքական հարաբերությունների մասին: Նշելով, որ Հայաստանը հակված է ղարաբաղյան խնդրի խաղաղ կարգավորմանը` մադրիդյան սկզբունքների հիման վրա, Սերժ Սարգսյանն ասել է. «հայկական կողմն որպես ձեւաչափ ճանաչում է ԵԱՀԿ Մինսկի խումբը, իսկ որպես միջնորդ` ԵԱՀԿ Մինսկի խմբի համանախագահ երկրները»: Պիտեր Սեմնեբին ողջունել է Հայաստանի նախաձեռնությունը ու վճռականությունը Թուրքիայի հետ հարաբերությունները կարգավորելու ուղղությամբ, եւ ասել, որ Եվրոպական Միությունը պատրաստ է ամենայն աջակցություն ցույց տալ երկու հարեւան երկրների միջեւ հարաբերությունների կարգավորման գործընթացին: Եվրոպական Միության հատուկ ներկայացուցիչը բարձր է գնահատել նաեւ մարտի 1-ի իրադարձությունների հետ կապված փաստահավաք խմբի ստեղծումը եւ խմբի աշխատանքներին ոչ միայն խորհրդարանական, այլեւ արտախորհրդարանական ընդդիմության ներգրավումը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
