  ՀՍՏԱԿԵՑՎՈՒՄ ԵՆ ԵԱՀԿ ՄԻՆՍԿԻ ԽՄԲԻ ՀԱՄԱՆԱԽԱԳԱՀՆԵՐԻ ՂԱՐԱԲԱՂՅԱՆ ՀԱԿՄԱՐՏՈՒԹՅԱՆ ՏԱՐԱԾԱՇՐՋԱՆ ԿԱՏԱՐԵԼԻՔ ԱՅՑԻ ԺԱՄԿԵՏՆԵՐԸ31 հուլիսի 2002 - 22:25 AMT PanARMENIAN.Net - Առաջիկա երկու շաբաթվա ընթացքում կհստակեցվեն ԵԱՀԿ Մինսկի խմբի համանախագահների ղարաբաղյան հակամարտության տարածաշրջան կատարելիք այցի ժամկետները: Այդ մասին Բաքվի «Զերկալո» թերթին է հայտնել ռուսաստանցի համանախագահ Նիկոլայ Գրիբկովը: Նրա խոսքերով, ներկայումս համանախագահները քննարկում են այդ հարցը: Գրիբկովը դժվարացել է պատասխանել այն հարցին, թե հնարավոր է դրական արդյունքի հասնել մինչեւ Հայաստանում եւ Ադրբեջանում նախընտրական քարոզարշավի սկիզբը` ընդգծելով, որ հակամարտության կարգավորումը լիովին կախված է պետությունների ղեկավարներից: Ռուսաստանցի համանախագահը նշել է, որ, իրոք եղել է մի շրջան, երբ նախագահներն, ինչպես երբեք, մոտ էին փոխզիջման, ինչին, Գրիբկովի խոսքերով, խանգարեցին ներքաղաքական գործոնները: Այդ առնչությամբ նա ընդգծել է երկու երկրների ընդդիմադիր ուժերի եւ քաղաքական վերնախավի, ինչպես նաեւ բոլոր նրանց հետ առավել ակտիվորեն աշխատելու անհրաժեշտությունը, ով կարող է այս կամ այն կերպ աջակցել երկու նախագահներին խնդրի երկուստեք ընդունելի լուծում գտնելու գործում: Անդրադառնալով հակամարտության կարգավորման տարբերակների վերաբերյալ Մոսկվայի պաշտոնական դիրքորոշմանը` Գրիբկովը հիշեցրել է Ռուսաստանի նախագահի խոսքերն այն մասին, որ Մոսկվան պատրաստ է պաշտպանելու կարգավորման ցանկացած տարբերակ, որն ընդունելի կլինի բոլոր կողմերի համար: Բացի այդ, անհրաժեշտության դեպքում Ռուսաստանը պատրաստ կլինի հանդես գալ որպես կարգավորման երաշխավոր: «Իսկ թե ինչպիսին այն կլինի` փուլային, փաթեթային, սեւ թե կանաչ, միեւնույն է: Այդ մասին թող պայմանավորվեն հակամարտության մեջ ներքաշված կողմերը»,- ավելացրել է ռուսաստանցի դիվանագետը:  Ուշագրավ Նա ասել է, որ այդ հարցը ճիշտ չէ փոխկապակցել խաղաղության պայմանագրի ստորագրման հարցի հետ «Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել»   Ամենաընթերցվողը բաժնում |  Վերջին լուրեր ԵԱԶԲ–ն, ՄԱԿ-ի Պարենի համաշխարհային ծրագիրն ու «Երեմյան Ֆարմը» ՀՀ–ում «Կաթ դպրոցներում» ծրագրի ընդլայնման մտադրությունների համաձայնագիր են կնքել  «Կաթ դպրոցներում» ծրագրի մեկնարկն ազդարարվել էր 2022 թվականի դեկտեմբերինOVIO-ի նախաձեռնությամբ անցկացվել է «Ամպային տեխնոլոգիաների և Տվյալների մշակման կենտրոնների զարգացում» խորագրով DC24 համաժողովը Համաժողովի նպատակն է վերհանել ոլորտի մարտահրավերները և գտնել դրանց լուծումներըԲաղանիսում, Բերքաբերում, Կիրանցում և Ոսկեպարում անհատական բնակելի տուն կառուցելու դեպքում կտրվի 5 մլն դրամ Շահառուների նոր շրջանակին վերաբերող փոփոխություններն ուժի մեջ կմտնեն օգոստոսի 1-իցԸստ Բայրամովի՝ խաղաղության գործընթացի ամենալուրջ խոչընդոտը ՀՀ սահմանադրությունն է «Բաց մնացած հարցերի թիվը զգալիորեն կրճատվել է»,- ասել է նա |
