  Կիրո Մանոյան. Բաքուն հող է նախապատրաստում Լեռնային Ղարաբաղի դեմ ագրեսիայի համար24 փետրվարի 2009 - 18:47 AMT PanARMENIAN.Net - «Ադրբեջանն անհանգստացած է հայ-թուրքական հարաբերությունների հնարավոր կարգավորմամբ եւ պատրաստվում է Լեռնային Ղարաբաղի հակամարտության ռազմական լուծմանը»,- Երեւանում կայացած մամլո ասուլիսին հայտնել է «Հայ Դատ» գրասենյակի ղեկավար Կիրո Մանոյանը: Նրա խոսքով, Հայաստանը «ագրեսոր» ճանաչելու հարցում միջազգային կառույցների վրա ճնշման ուժեղացումը Բաքվի կողմից այն մտքին է հանգեցնում, որ Ադրբեջանը հող է նախապատրաստում Լեռնային Ղարաբաղի դեմ ագրեսիայի համար: «Մենք Եվրախորհրդարանի ուշադրությունը դարձրեցինք այդ հանգամանքին: Ճիշտ է, պատգամավորների մեջ գտնվեցին մարդիկ, որոնք Հայաստանը մեղադրեցին օկուպացման մեջ, բայց հայկական պատվիրակությունն ապացուցեց, որ Ղարաբաղում չկան օկուպացված տարածքներ, կան ազատագրված շրջաններ, որոնք իսկապես պատկանում են Լեռնային Ղարաբաղին»,- նշել է Մանոյանը:Նա նաեւ ասել է, որ Ադրբեջանում զգում են, որ Թուրքիան կարող է փոխել իր դիրքորոշումը Լեռնային Ղարաբաղի հակամարտության առնչությամբ եւ կարգավորել հարաբերությունները Հայաստանի հետ: «Բաքվի պաշտոնական անձանց եւ հասարակական գործիչների հայտարարություններն այդ առումով բավական անհանգստացնող են, չնայած նրան, որ Անկարան Ադրբեջանին համոզում է, որ նրան մենակ չի թողնի: Եթե Թուրքիան դադարի Ադրբեջանի գերին լինել ղարաբաղյան հիմնախնդրում, ինչն անխուսափելի է, ապա դա կարող է զինված պատահարներ հրահրել»,- ընդգծել է Մանոյանը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
