ԹՈՒՐՔԻԱՅԻ ԴԻՐՔՈՐՈՇՈՒՄԸ ՂԱՐԱԲԱՂՅԱՆ ՀԱՐՑՈՒՄ ՄՆՈՒՄ Է ԱՆՓՈՓՈԽ 1 մայիսի 2002 - 20:58 AMT PanARMENIAN.Net - Մեկնաբանելով, Տրաբզոնում Ադրբեջանի, Թուրքիայի եւ Վրաստանի նախագահների գագաթնաժողովի շրջանակներում Թուրքիայի նախագահի հետ ունեցած երկկողմ բանակցությունների արդյունքները` Հեյդար Ալիեւը ընդգծել է, որ Անկարան շարունակում է աջակցել պաշտոնական Բաքվի դիրքորոշմանը ղարաբաղյան կարգավորման հարցում: Ալիեւի խոսքերով, Թուրքիան մտադիր չէ բացել սահմանները եւ համագործակցել Հայաստանի հետ այնքան ժամանակ, մինչեւ հայկական զորքերը դուրս բերվեն «գրավյալ տարածքներից»: Ադրբեջանի նախագահը հաստատեց տեղեկատվությունն այն մասին, որ սույն թվականի մայիսին Րեյկյավիկում կկայանա Ադրբեջանի, Թուրքիայի եւ Հայաստանի արտաքին գործերի նախարարների հանդիպումը: Հիշեցնենք, որ դրա նախաձեռնողը թուրքական կողմն էր: Մեկ տարի առաջ պաշտոնական Երեւանը մերժել էր եռակողմ հանդիպման անցկացման գաղափարը, ընդգծելով, որ բանակցությունները անիրատեսական են այն պայմաններում, երբ Թուրքիան շարունակում է Հայաստանի շրջափակումը եւ բացահայտ ադրբեջանամետ դիրքորոշում ունի ղարաբաղյան հարցի վերաբերյալ: Սակայն, մեկ ամիս առաջ Հայաստանի արտաքին գործերի նախարարը հանդես եկավ հայտարարությամբ` Թուրքիայի հետ երկխոսությունը ակտիվացնելու պաշտոնական Երեւանի պատրաստակամության մասին: Դրան հետեւեց հաղորդագրությունը Իսլանդիայի մայրաքաղաքում հանդիպման նախապատրաստման վերաբերյալ: Լրատվության արտատպելու, կամ օգտագործելու դեպքում հղումը "PanARMENIAN.Net -ի վրա պարտադիր է: Ուշագրավ Նա ասել է, որ այդ հարցը ճիշտ չէ փոխկապակցել խաղաղության պայմանագրի ստորագրման հարցի հետ
«Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Ամենաընթերցվողը բաժնում | Լոռի Բերդ ամրոցի եկեղեցու վերականգնումը սկսվել է Ընտրվել են վերականգնման համար անհրաժեշտ քարատեսակները, մաքրվել է տանիքների վրա կուտակված հողի շերտը Հուլիսի 1-ից Ջրային պարեկները կանցնեն ուժեղացված ծառայության Իրավախախտումների համար նախատեսված են տուգանքներ Իրանում նախագահական ընտրությունների 2-րդ փուլ կանցկացվի Այն տեղի կունենա հուլիսի 5–ին Բագրատ սրբազան. Շարժումը չի դադարեցվի` վերադասավորումների փուլ է «Այս պայքարը չընդհատվող պայքար է և հաղթանակ ունեցող պայքար է»,–ասել է նա |