Լեւոն Տեր-Պետրոսյան. Հայ - թուրքական հարաբերություններում արդեն ամեն ինչ պարզ է

PanARMENIAN.Net - «Հայ - թուրքական հարաբերություններում արդեն ամեն ինչ պարզ է: Մինչեւ չլուծվի Ղարաբաղի հարցը, հայ - թուրքական հարաբերություններում առաջընթաց չի լինի», - հայտարարեց Հայ Ազգային Կոնգրեսի (ՀԱԿ) առաջնորդ Լեւոն Տեր-Պետրոսյանը` ելույթ ունենալով այսօր ընդդիմության հանրահավաքին:





Նա նշեց, որ այսօր ամենագլխավորն է դարձել այն հարցի քննարկումը, թե կգնա՞ արդյոք Սերժ Սարգսյանը ֆուտբոլային հանդիպմանը, թե ոչ: «Կարծես թե ուրիշ հարցեր քննարկման համար այլեւս չեն մնացել», - նշեց ՀԱԿ առաջնորդը: Լեւոն Տեր-Պետրոսյանը նաեւ նշեց, որ Սերժ Սարգսյանն արդեն արել է բոլոր հնարավոր սխալները, որոնք կարելի եր անել հայ - թուրքական հարաբերությունները կարգավորելիս եւ կայցելի նա ֆուտբոլային հանդիպմանը թե ոչ, արդեն ոչինչ չի շտկի:



«Սկզբում Սարգսյանը հայտարարեց, որ նա չի գնա ֆուտբոլային հանդիպմանը, եթե հայ - թուրքական սահմանը բաց չլինի: Հետո նա հայտարարեց, որ կգնա, եթե երկրկները գտնվեն սահմանների բացման նախաշեմին: Սա նշանակում է, որ որոշումն այն մասին, որ նա կգնա խաղին արդեն կայացրած է», - ասաց Տեր - Պետրոսյանը:





Նա նաեւ մեկնաբանեց շրջանառվող այն լուրերը, համաձայն որոնց «Սարգսյանը նեղացած է Թուրքիայի նախագահից, քանի որ նա չի կատարել իր խոստումը եւ չի բացել հայ - թուրքական սահմանը: Մեղավոր է ոչ թե նա, ով խաբել է, այլ նա, ով թույլ է տվել խաբել իրեն», - հայտարարեց Լեւոն Տեր-Պետրոսյանը:



ՀԱԿ-ի առաջնորդը նաեւ նշեց, որ «Ճանապարհային քարտեզը», որն առաջարկվել էր ապրիլի 22-ին, դա նույն արձանագրություններն են, որոնք հրապարակվել են օգոստոսի 31-ին: «Եթե նույնիսկ Սերժ Սարգսյանը զոհի Հայոց ցեղասպանությունը, հայ - թուրքական արձանագրությունները չեն վավերացվի, մինչեւ չլուծվի Ղարաբաղի հարցը»,- ասաց ՀԱԿ-ի առաջնորդը: