  Հայ-թուրքական երկխոսության դադարը նախապատրաստություն է ինտենսիվ իրադարձություններին11 նոյեմբերի 2009 - 17:15 AMT PanARMENIAN.Net - Հայ-թուրքական հարաբերությունների կարգավորման գործընթացում դադարի վիճակ է այժմ, բայց այդ դադարը նախապատրաստություն է ինտենսիվ իրադարձություններին: Այդ մասին այսօր Երեւանում կայացած մամլո ասուլիսում հայտնեց Կովկասի Ինստիտուտի տնօրեն, քաղաքագետ Ալեքսանդր Իսկանդարյանը: «Բոլորը սպասողական վիճակում են, թե ինչ է տեղի ունենալու հայ-թուրքական գործընթացում, իսկ թե ինչպես ամեն ինչ կդասավորվի հետագայում, առայժմ դժվար է ասել»,- նկատեց քաղաքագետը:Նա թուրքական խորհրդարանում նախաստորագրված Արձանագրությունների վավերացման մի քանի տարբերակ ներկայացրեց: «Առաջինը` Արձանագրությունները կարող են վավերացվել հունվարին, երկրորդը` չի բացառվում, որ դա տեղի կունենա ապրիլին` նախքան ապրիլի 24-ը (Հայոց ցեղասպանության զոհերի հիշատակի օրը): Երրորդ եւ քիչ հավանական տարբերակը վավերացման անցկացումն է փակ ռեժիմով, եւ չորրորդ տարբերակը` այդ գործի «ճահճացումը», վավերացման ձգձգումը»,- ընդգծեց քաղաքագետը: Ալեքսանդր Իսկանդարյանը նշեց, որ թուրք գործընկերների հետ հաղորդակցվելիս հաճախ է լսել այն մասին, որ «եթե թուրքական քաղաքական վերնախավը ցանկանա, ապա կարող է ցանկացած հարց անցկացնել երկրի խորհրդարան»: «Դրա համար Անկարային համապատասխան մտրակ եւ քաղցրաբլիթ է հարկավոր: Մտրակն արդեն կա, իսկ թե ինչպիսին կլինի քաղցրաբլիթը, կապրենք` կտեսնենք»,- նշեց Կովկասի Ինստիտուտի տնօրենը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
