 Հայաստանում արտահերթ ընտրությունների անցկացման համար ոչ մի հիմք չկա 3 մարտի 2010 - 19:14 AMT PanARMENIAN.Net - Ներկա պահին Հայաստանում արտահերթ ընտրությունների անցկացման համար ոչ մի հիմք չկա: Եւ նրանք, ովքեր խոսում են այդ մասին, թող հիմնավորեն իրենց պնդումների օրինականությունը: Այսօր Երեւանում ԼՂՀ ԱԳՆ նախկին ղեկավար Արման Մելիքյանի հետ համատեղ մամլո ասուլիսում հայտնեց Հայաստանի Հանրապետական կուսակցության (ՀՀԿ) խորհրդարանական խմբակցության պատգամավոր Ռաֆիկ Պետրոսյանը` մեկնաբանելով Հայ ազգային կոնգրեսի (ՀԱԿ) հայտարարությունը: Պետրոսյանի խոսքով, ՀԱԿ-ը հայ հասարակայնության աչքերում վաղուց արդեն կորցրել է իր հեղինակությունը եւ այժմ փորձում է ժողովրդական զայրույթի ալիք բարձրացնել, ինչը նրան, թերեւս, չի հաջողվի: Արման Մելիքյանն իր հերթին նկատեց, որ արտահերթ ընտրությունների անցկացումը ՀԱԿ խնդիրը չէ: «ՀԱԿ-ն ընդամենը փաստեր է բերում, որոնք կարող են հանգեցնել իշխանափոխության»,- ընդգծեց փորձագետը: Գազի սակագների բարձրացման մասին որոշումը վիճարկելու համար դատարան դիմելու մասին ՀԱԿ մեկ այլ հայտարարության առնչությամբ Պետրոսյանը նկատեց, որ հասարակական ծառայությունների կարգավորման հանձնաժողովն արդեն ընդունել է որոշումը: Սակայն ՀԱԿ-ն իրավունք ունի այն վիճարկելու: Արման Մելիքյանն ընդգծեց, որ հասարակական ծառայությունների կարգավորման հանձնաժողովի որոշման վիճարկման գործում ՀԱԿ-ը դժվար թե հաջողության հասնի, քանի որ Հայաստանում ամեն ինչ որոշում է մենատիրությունը: Հայ-թուրքական հարաբերությունների կարգավորման ներկայիս գործընթացի առնչությամբ Մելիքյանը նկատեց, որ ներկա պահին «ֆուտբոլային դիվանագիտության» շնորհիվ Հայաստանի եւ Թուրքիայի միջեւ պաշտոնական հռետորությունն արդեն դաժանացել է: «Այժմ Թուրքիան երկարաձգում է ստորագրված Արձանագրությունների վավերացման գործընթացը, քանի որ արդեն ստացել է այն ամենը, ինչ ցանկանում էր, եւ ձգտում է հասնել ավելիին»,- նշեց նա: ՀՀԿ խմբակցության պատգամավորն իր հերթին նկատեց, որ Արձանագրությունների ստորագրմամբ Թուրքիան ոչ մի հաջողության չի հասել: Այլապես ինչպե՞ս կարելի է բացատրել նրա արձագանքը Արձանագրությունների վերաբերյալ Հայաստանի Սահմանադրական դատարանի որոշման վերաբերյալ: «Թուրքիային հարկավոր է Արձանագրությունների վավերացումը, եւ եթե նա իր խորհրդարանում չվավերացնի այդ փաստաթղթերը մինչեւ ապրիլի 24-ը, ապա Հայաստանը հավանաբար կդադարեցնի գործընթացը»,- նկատեց նա:    Հայ-թուրքական հարաբերությունների կարգավորման մասին Արձանագրություններ Հայ-թուրքական հարաբերությունների կարգավորման մասին Արձանագրությունները ստորագրվել են 2009թ. հոկտեմբերի 10-ին Ցյուրիխում: Արձանագրությունները ստորագրել են Հայաստանի եւ Թուրքիայի ԱԳ նախարարներ Էդվարդ Նալբանդյանը եւ Ահմեդ Դավութօղլուն` Ֆրանսիայի, ԱՄՆ-ի, ՌԴ-ի եւ Շվեյցարիայի ԱԳՆ ղեկավարների ներկայությամբ: Շվեյցարիան որպես միջնորդ է հանդես գալիս հայ-թուրքական բանակցություններում 2007թ. ի վեր: Ըստ փաստաթղթերի, երկրների միջեւ պետք է հաստատվեն դիվանագիտական հարաբերություններ եւ պետք է բացվի 1993թ. ի վեր փակ հայ-թուրքական սահմանը: Հունվարի 12-ին Հայաստանի Սահմանադրական դատարանն Արձանագրությունները Հայաստանի Սահմանադրությանը համապատասխան ճանաչեց: ՍԴ որոշման մեջ Արձանագրությունների վերաբերյալ ոչ մի նախապայմաններ չկան, քանի որ դա հակասում է վճռի կայացման սահմանված կանոնին: ՍԴ որոշման համաձայն Հայ-թուրքական արձանագրությունները համապատասխանում են ՀՀ Սահմանադրությանն ու Հայաստանի Անկախության մասին հռչակագրին:  Ուշագրավ Նա ասել է, որ այդ հարցը ճիշտ չէ փոխկապակցել խաղաղության պայմանագրի ստորագրման հարցի հետ «Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել»   Ամենաընթերցվողը բաժնում |  Վերջին լուրեր Բաթոյան․ Երբ ընտանեկան բռնությունների վիճակագրությունն աճում է, դա դրական է՝ սկսել են դիմել իրավապահներին  «գիտենք, որ դեպքերն ավելի շատ են»,–ասել է նաՍուրենյան․ Հուլիսի 5–ից կտաքանա 8-10 աստիճանով, ամսի 7–ից նոր ցիկլոն է սպասվում Հուլիսի 7-ին, 8-ին, 9-ին հանրապետության ամբողջ տարածքում անձևները կվերսկսվեն, առանձին հատվածներում՝ հորդառատՍևանում մեկնարկել է լողափնյա հանգստի սեզոնը․ Գործելու է 6 հանրային լողափ Հանրային լողափերում իրականացվելու է ջրափրկարարական ծառայություն |
