  ՀՅԴ. Հայոց ցեղասպանության ճանաչման հարցում Թուրքիան արդեն հաղթանակ է տարել 23 մարտի 2010 - 14:33 AMT PanARMENIAN.Net - ԱՄՆ պետքարտուղար Հիլարի Քլինթոնի հայտարարությունն այն մասին, որ սկսվել է հայ-թուրքական միջկառավարական պատմական հանձնաժողովի ձեւավորումը, վկայում է այն մասին, որ Թուրքիան արդեն իսկ հաղթել է հայ-թուրքական հարաբերությունների հաստատման գործընթացում: Այդ մասին Երեւանում կայացած մամլո ասուլիսում հայտարարել է Հայաստանի ՀՅԴ Գերագույն մարմնի ներկայացուցիչ Արմեն Ռուստամյանը: «Հայաստանի կոալիցիոն քաղաքական ուժերից բացի, մյուս բոլոր կողմերը` Թուրքիան, ԱՄՆ-ն, Շվեդիան արդեն խոսում են 1915թ. ողբերգական իրդարձությունները, այսինքն Հայոց ցեղասպանությունը ուսումնասիրող պատմական հանձնաժողովի ստեղծման մասին: Հայոց ցեղասպանության միջազգային ճանաչման հարցն անցել է Հայաստանի եւ Թուրքիայի երկկողմ հարաբերությունների շրջանակ»,-ասել է Ռուստամյանը: Հայաստանի եւ Թուրքիայի պատմական անցյալի ուսումնասիրման հանձնաժողովն արդեն իսկ ձեւավորման փուլում է: Այդ մասին Ռուսաստանի առաջին ալիքի «Պոզներ» հեռուստածրագրին տված հարցազրույցում հայտարարել է ԱՄՆ պետքարտուղար Հիլարի Քլինթոնը: Նա հիշեցրել է, որ 2009թ. աշնանը երկու երկրների միջեւ մի շարք համաձայնագրեր են կնքվել, որոնցից մեկը ենթադրում է անցյալի ուսումնասիրման հանձնաժողովի ստեղծում: «Կարծում եմ, որ սա ճիշտ մոտեցում կլինի, եթե երկու երկրները կենտրոնանան դրա վրա: Ես բազմիցս եմ ասել, որ մենք չենք կարող փոխել մեր անցյալը: Այն ամենն, ինչ մենք կարող ենք անել` հասնել ավելի լավ ապագայի»-ասել է ԱՄՆ պետքարտուղարը:    Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
