 Խաչիկ Կոկոբելյան. «Ժառանգության» առաջարկը Կլոր սեղանի ձեւաչափ ստեղծելու մասին իրատեսական չէ 31 մարտի 2010 - 21:07 AMT PanARMENIAN.Net - «Ժառանգություն» կուսակցության առաջարկը Կլոր սեղանի ձեւաչափ ստեղծելու մասին, որտեղ լինելու են Հայկական ազգային կոնգրեսը (ՀԱԿ), ՀՅ Դաշնակցությունը (ՀՅԴ), Հայաստանի Հանրապետական կուսակցությունը (ՀՀԿ), «Բարգավաճ Հայաստանը» եւ «Օրինաց երկիրը», վիրտուալ եւ անիրատեսական է, քանի որ իրական քաղաքականության մեջ միավորվում են այն քաղաքական ուժերը, որոնք կարող են համատեղ լուծել քաղաքական խնդիրներ, իսկ «Ժառանգության» առաջարկության մեջ չի կարելի գտնել նույնիսկ երեք այդպիսի կուսակցություն: Այդ մասին Երեւանում հայտարարել է ՀՀՇ կառավարման անդամ Խաչիկ Կոկոբելյանը ՀՀ ԱԳ նախկին նախարար Ալեքսանդր Արզումանյանի հետ համատեղ մամլո ասուլիսի ժամանակ: Նրա խոսքերով, այդ առաջարկը տվյալ պահին անհնար է իրագործել: Մարտի 30-ին «Ժառանգություն» կուսակցությունը հայտարարություն էր տարածել, որտեղ կոչ էր արել ընդդիամդիր ուժերին` Հայկական ազգային կոնգրեսին (ՀԱԿ), ՀՅ Դաշնակցությանը (ՀՅԴ), ինչպես նաեւ կոալիցիոն ուժերին` Հայաստանի Հանրապետական կուսակցությանը (ՀՀԿ), «Բարգավաճ Հայաստան» եւ «Օրինաց երկիր» կուսակցություններին մինչեւ արտահերթ կամ խորհրդարանական ընտրությունները գործող խորհրդարանի ցածր արդյունավետության պայմաններում ձեւավորել նոր քաղաքական ոչ ֆորմալ կենտրոն Կլոր սեղանի ձեւաչափում:    «Ժառանգություն» կուսակցություն «Ժառանգություն» կուսակցությունը արմատներով ազգային, տնտեսական ուղղվածությամբ` լիբերալ, կառավարման համակարգով` ժողովրդավարական կուսակցություն է: Դա քաղաքական ուժ է, որի առաջնահերթ խնդիրն է զարգացած, իրավական, ժողովրդավարական պետության կայացումն է, որը կառուցում է իր ներքին ու արտաքին քաղաքականությունը` ելնելով ազգային ինքնիշխանության շահերից: Հիմնվել է 2002թ.: 2005թ. մայիսի 30-ին գաղտնի քվեարկությամբ կուսակցության նախագահ է ընտրվել Րաֆֆի Հովհաննիսյանը: Մնացած 8 անդամները եւս ընտրվել են գաղտնի քվեարկությամբ:  Ուշագրավ Նա ասել է, որ այդ հարցը ճիշտ չէ փոխկապակցել խաղաղության պայմանագրի ստորագրման հարցի հետ «Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել»   Ամենաընթերցվողը բաժնում |  Վերջին լուրեր Արման Սահակյանը վերականգնել է պետությանը պատճառած 178 մլն դրամի վնասը  Քրեական վարույթով նախաքննությունն ավարտվել էԲաքուն Շուշիում Թյուրքական պետությունների կազմակերպության գագաթնաժողով կանցկացնի․ Էրդողանն էլ է մասնակցելու Հրապարակվել է գագաթնաժողովի ծրագիրըՌԴ–ում ՀՀ դեսպանը Բելգորոդ է այցելել «Ցանկություն է առաջանում, որ այս ամենն ավարտվի որքան հնարավոր է շուտ»,–ասել է նաViva. Հայաստանի տեխնոլոգիական առաջատար ընկերությունն իր հաճախորդներին ներկայանում է նորացված ապրանքային նշանով Viva-ն նշանավորում է թվային ծառայությունների որակապես նոր մակարդակը |
