  Էդուարդ Շարմազանով. Օբաման «դիվանագիտական արտահայտչամիջոցներով» Ադրբեջանին մեղադրեց ռազմատենչ հայտարարությունների մեջ 8 հունիսի 2010 - 20:21 AMT PanARMENIAN.Net - Իլհամ Ալիևին հասցեագրված ԱՄՆ նախագահի նամակում հստակ ուղերձներ կան այն մասին, որ ղարաբաղյան կարգավորման հարցում Բաքուն պետք է ձեռնպահ մնա ռազմատենչ հայտարարություններից: Այլ կերպ ասած` ԱՄՆ նախագահը նամակում «դիվանագիտական արտահայտչամիջոցներով» Ադրբեջանին մեղադրում է ռազմատենչ հայտարարությունների մեջ: Այդ մասին PanARMENIAN.Net ի թղթակցի հետ զրույցում հայտնել է Հայաստանի Հանրապետական կուսակցության (ՀՀԿ) խմբակցության քարտուղար Էդուարդ Շարմազանովը: Շարմազանովի խոսքով, այդ նամակում ԱՄՆ նախագահ Բարաք Օբաման ևս մեկ անգամ նշում է խնդրի խաղաղ կարգավորման կարևորությունը, ինչը համապատասխանում է Հայաստանի դիրքորոշմանը: «Իսկ Ադրբեջանը հակամարտության կարգավորման ուղղությամբ կոնկրետ քայլեր ձեռնարկելու փոխարեն վերջերս ռազմատենչ հայտարարություններով լի «թատերականացված ներկայացումներ» է խաղարկում»,- նկատել է նա: ԱՄՆ նախագահ Բարաք Օբամայի նամակում, որն Ադրբեջան կատարած այցի շրջանակներում Ադրբեջանի նախագահ Իլհամ Ալիևին հանձնեց ԱՄՆ պաշտպանության նախարար Ռոբերտ Գեյթսը, ասվում է այն մասին, որ ղարաբաղյան հակամարտության խաղաղ կարգավորումը որոշիչ նշանակություն ունի Հարավային Կովկասի համար: Օբաման նաև նշել է, որ այդ հակամարտության խաղաղ կարգավորման օժանդակումը ԱՄՆ համար առաջնահերթ է:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
