 Հուլիսի 2-ին ՀՀ ԱԺ նախագահ Հովիկ Աբրահամյանը աշխատանքային խորհրդակցություն էր հրավիրել 2 հուլիսի 2010 - 19:50 AMT PanARMENIAN.Net - Հուլիսի 2-ին ՀՀ ԱԺ նախագահ Հովիկ Աբրահամյանը աշխատանքային խորհրդակցություն էր հրավիրել, որին մասնակցեցին Եվրոպայի խորհրդի խորհրդարանական վեհաժողովում, ԵԱՀԿ խորհրդարանական վեհաժողովում և Արևելյան գործընկերության խորհրդարանական վեհաժողովում` «Եվրանեսթում» ՀՀ Ազգային ժողովի պատվիրակությունները: Խորհրդակցության ժամանակ ԱԺ նախագահը նշեց, որ նման ձևաչափով հանդիպման նպատակն է քննարկել եվրոպական խորհրդարանական կառույցներում ԱԺ պատվիրակությունների աշխատանքը, նպաստել համակարգված քաղաքականության մշակմանը Հայաստանի համար կարևորագույն հարցերում, լսել առաջարկներ, տեսակետներ աշխատանքները առավել արդյունավետ և գործնական դարձնելու նպատակով: Պատվիրակությունների ղեկավարներ Դավիթ Հարությունյանը, Արամ Սաֆարյանը և Վահան Հովհաննիսյանը խոսեցին կատարված աշխատանքի մասին, տեսակետներ հայտնեցին և առաջարկներ ներկայացրին պատվիրակությունների գործունեությունը ավելի արդյունավետ կազմակերպելու վերաբերյալ, կարևորեցին ՀՀ ԱԺ -ԱԳՆ համագործակցված աշխատանքի անհրաժեշտությունը: Քննարկման ընթացքում պատվիրակությունների անդամները առաջարկներ ներկայացրին հետագա անելիքների վերաբերյալ: Ամփոփելով խորհրդակցությունը` ԱԺ նախագահ Հովիկ Աբրահամյանը համոզմունք հայտնեց, որ նման ակտիվ և շահագրգիռ քննարկումները անպայման դրական արդյունք կունենան և հավաստեց, որ բոլոր կարևոր առաջարկությունները կներկայացվեն ՀՀ Նախագահին: Հովիկ Աբրահամյանը կարևորեց խորհրդարանական բոլոր ուժերի միասնական աշխատանքը և առաջարկեց յուրաքանչյուր խորհրդարանական վեհաժողով մեկնելուց մեկ շաբաթ առաջ իր ղեկավարությամբ կազմակերպել քննարկում պատվիրակությունների անդամների և ԱԳՆ ներկայացուցչի մասնակցությամբ: ԱԺ նախագահի համոզմամբ խորհրդարանական դիվանագիտության ակտիվացմամբ և համատեղ աշխատանքով հնարավոր կդառնա բարձրացնել միջազգային կառույցներում ԱԺ պատվիրակությունների աշխատանքի արդյունավետությունը, դիմակայել արտաքին մարտահրավերներին, հաղորդում է ՀՀ ԱԺ հասարակայնության և տեղեկատվության միջոցների հետ կապերի վարչությունը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
