  Շիրակ Թորոսյան. Հայաստանի հաղորդակցային կախվածությունն առիթ չի տալիս Վրաստանին վարվել ջավախահայերի հետ այնպես, ինչպես ցանկանան 15 դեկտեմբերի 2010 - 14:32 AMT PanARMENIAN.Net - Հայ-վրացական հարաբերություններում ընթացիկ տարում առաջընթաց չի գրանցվել: Այդ մասին Երևանում կայացած մամլո ասուլիսում հայտարարել է ԱԺ ՀՀԿ խմբակցության անդամ Շիրակ Թորոսյանը: Ըստ նրա, տարվա ընթացքում լուծում չստացան նաև ջավախահայերի խնդիրները: «Չնայած նրան, որ պաշտոնական մակարդակում երկու երկրների ղեկավարությունը հայտարարում է, որ Հայաստանի ու Վրաստանի միջև սերտ բարեկամական ու ջերմ հարաբերություններ են հաստատվել, ես չէի ասի, որ դա համապատասխանում է իրականությանը»,-ասել է Թորոսյանը: Պատգամավորն անդրադարձել է ջավախահայերի խնդիրներին, մասնավորապես, Վրաստանում ՀԱԵ հայկական թեմի կարգավիճակի հետ կապված հարցերին, սահմանային հարցերին, ինչպես նաև հայկական դպրոցներում հայոց լեզվի դասավանդման հետ: «Վերջին տարում, հայոց լեզվի դասաժամերը զգալիորեն կրճատվել են, դրա հաշվին ավելացել են վրացերենի դասաժամերը»,-ասել է նա՝ հավելելով, որ աճել են նաև աշխատանքից հայոց լեզվի, հայ գրականության ու պատմության ուսուցիչներին ազատելու դեպքերը: Նա նշել է, որ շատերը գտնում են, որ ՀՀ իշխանությունները խիստ չեն արձագանքում Վրաստանի գործողություններին, քանի որ հաղորդակցային կախվածություն ունեն Վրաստանից: «Ես գտնում եմ, որ դա սխալ մոտեցում է: Այն, որ Հայաստանը ինչ-որ չափով կախված է Վրաստանից, լինելով շրջափակման մեջ, դեռ չի նշանակում, թե Վրաստանի իշխանությունները կարող են վարվել ջավախահայերի հետ ինչպես ցանկանան»,-ասել է Թորոսյանը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
